Dear Noy Kulas,
Tawga lang ko og Bebot, annuled ang kasal namo sa akong bana. Nag 43 years old ko last month. Kining akong problema medyo weird kaayo.
Kay lockdown lagi ta diri sa Cebu City, pirme na lang ko naa sa balay kay nag work from home. Magsige na sab ko og online hangtod nga naay ni friend request nako ug akong gi-accept. Ni-chat dayon siya nako ug nakig-ila ila. Taguon lang nato siya sa ngan nga Joe. Nisulti siya nga 22 years old siya, fresh graduate sa college ug wa pa maka work tungod sa pandemic. Kada adlaw mi mag chat ug magtawganay. Nagka close mi og maayo while nagsige ang among communication thru chat, text and calls.
Hangtod nga one day, nisulti siya nako nga na-develop na kuno ang iyang feeling diri nako. Na shock ko kay maora baya ra nako siya og anak. Actually, maguwang lang siya og two years sa akong anak. Na shock ko kay sa akong edad naay pa bay manguyab nako nga batan-on? Imposible kaayo. Bitaw, sa tinuod lang, di gastado akong lawas kay giampingan nako ug usa ra sab akong anak.
Bisan kinsay pangutan-on, naa ko sa early 30s kon tan-awon.
Naglibog pa ko kon ako ba siyang sugton. Gwapo baya ning bataa pero manghod ra kaayo siya nako og 2 decades. Maayo kaha ni?
BEBOT
Bot,
Actually di ka first nga nag-send nako ani nga problema. Naa gani na feature sa TV nga dagko pud og gintang sa edad, maora orag imoha ba. Di man na imposible gud rong panahuna. But mao lagi na ang akong kanunay nga pangutana, kon moedad na ang babaye, magpabilin pa kaha ang gugma sa lalake? Imagine, kon mag 70 years old na ka, siya mag 50 pa. Mopitik pa kaha ang iyang kasingkasing sama karon?
Klaro man nga nagsugod nang iyaha sa physical attraction hangtod nga na-develop na ang iyang feeling nimo og maayo beyond physical. Mao na karon ang iyang na-feel for you. Nag-uros-uros ang iyang gugma nimo and he is confident nga sugton nimo siya kay kinsa ba ang babaye nga di ganahan ug ma proud nga makauyab og lalake nga kapin sa duha ka mga dekada ang age gap. But will it last? Kana maoy dakong pangutana.
Anyway, huna-hunaa unag maayo. Ayaw lang pagdali. Pag-estorya mo nga kanang atubangay. Bahala nag dunay social distancing. Bitaw, huna-hunaag maayo.
NOY KULAS