ANG Department of Health (DOH) sa Biyernes, Hulyo 17, nataho nga 1,841 nga dugang kaso sa coronavirus infection, nihatod sa total nga ihap nga 63,001.
Upat ka mga dakbayan sa National Capital Region (NCR), o Metro Manila, ang anaa sa lima ka mga dakbayan nga dunay taas nga kaso sa Covi-19 base sa taho sa DOH, alas 4:-00 sa hapon sa Biyernes.
Ang dakbayan sa Manila maoy nag-una diin dunay 441 ka bag-ong kaso, sunod ang Quezon City nga dunay 140 ug Mandaluyong uban sa 96 ka mga kaso.
Ang dakbayan sa Sugbo maoy ikaupat nga dunay 7 ka mga kaso ug gisundan sa Navotas sa Metro Manila nga dunay 86.
Si DOH Undersecretary Maria Rosario Vergeire nitaho usab nga 17 ang namatay, diin nihatod sa nangamatay ngadto sa 1,660.
Sa 17 ka additional deaths, 9 nahitabo niadtong Hulyo, 6 sa Hunyo, usa sa Mayo ug usa usab sa Abril.
Ang 9 niini nga namatay gikan sa NCR,2 gikan sa Davao Region, 4 gikan sa Northern Mindanao, usa gikan sa Central Visayas ug usa ka repatriate o gipapauli sa nasod.
Si Vergeire nitaho nga 311 recoveries, diin nitahod sa 21,748 nga nangaayo.
Sa 1,841 dugang mga kaso, 710 ang bag-ong natakboyan samtang 1,131 ang taudtaod na nga mitakboy sa pasyente.
Ang bag-og kaso nagpasabot nga ang pasyente gipaubos sa test ug sulod sa upat ka adlaw ug nigawas ang positibong resulta sa Covid-19 gikan sa laboratoryo.
Bisan ang dakbayan sa Sugbo ikaupat lang sa dakbayan nfa taas og bag-ong kaso sa Covid-19, ang dakbayan ipaubos sa modified enhanced community quarantine (MECQ) sugod niadtong Hulyo 16, Huwebes. (Marites Villamor-Ilano, SunStar Philippines)
600 tour guides sa Badian gilista sa Philhealth
MOABOT 600 ka tourist guides sa lungsod sa Badian ang girekomendar ni Cebu Governor Gwendolyn Garcia pagpalista aron malakip sa PhilHealth Insurance System.
Kini usa sa mga lakang pagsiguro nga luwas sa sakit ug dunay tabang nga moabot panahon nga mahiagom sa sakit sama sa coronavirus disease disease 2019 (Covid-19).
Matod ni Garcia, nga gawas sa protective gears, labing gikinahanglan usab nga ma insured ang tourist guides ilabi na nga makahimamat kini ug nagkalainlaing kustomer sa pagbukas na sa turismo.
“Dili man gud pwede nang zero Covid. Just like dengue ug TB (tuberculosis), dawaton nato nga naa na gyud ning Covid. Naay (Philhealth) package worth P200,000; gani duna koy nahibaw-an nga P1,800 na lang ang iyang nabayran,” matod ni Garcia.
Hinuon, ang mga operator nga sakop sa Association of Kawasan Canyoneering sa Badian gikatakda pa usab nga mopahigayon og tigom aron konsultahon alang sa rekomendasyon ngadto sa gobernador. (ANV)