Coincidence?”
Mao kini ang reaksiyon ni Land Transportation Office (LTO) 7 Director Victor Caindec sa gipadala nga suwat sa Pinoy Aksyon for Governance and the Environment ngadto kang Department of Transportation (DOTr) Secretary Arthur Tugade sa giingong mga reklamo sa langay nga pagproseso ug pag-release sa Official Receipt ug Certificate of Registration (OR/CR) sa LTO 7 sa mga sakyanan sa Central Visayas.
“A PR (press release) wire (gipadala sa tanan media sa Pilipinas) sent out by an PR operator based in CDO, wants me investigated by DOTR. Just happens to be that the chairman of one of the biggest motorcycle dealers being investigated is also based in CDO. Coincidence?,” tipik sa pamahayag ni Caindec sa iyang post sa iyang Facebook account.
Sa post ni Caindec, iyang gi-share ang video niini niadtong Marso kabahin sa pagpanghulga sa niini sa motorcycle dealers human mo-release kini og mga unit nga wala pa ang rehistro.
“Wala na gi-annotate inyo mga rehistro, so pasabot ikaw ang legitimate nga tag-iya. Mao na ang rason nga dili nila ihatag inyo mga rehistro ug dugaydugayon pa rehistro sa LTO para dili lisod ang pag-imbargo,” si Caindec nagkanayon.
Dugang ni Caindec, mao kini ang rason nga nasuko ang dealers kaniya tungod kay nasakpan niini ang ilang gihimo nga racket o palusot.
“Kamo mga motorcycle clubs ug mga nangutang ug motor, paminawa ni ninyo. Labi na katong na imbargohan or gihulga nga imbargohan kay wala nakadata sa motor, kay lagi no-work no-pay samtang ECQ ug GCQ.”
Si Caindec nihulga na niadtong Marso sa motorcycle dealers diin naglakip kini sa Du Ek Sam, Inc., Des Marketing Inc., Des Strong Motors Inc., Desmark Corp. ug Premio nga tangtangan kini niya og accreditation kon magsige pa ang gihimo nga modus niini.
Anaa ra sa 10-15 working days ang proseso sa rehistrasyon ug di tulo ngadto sa upat ka buwan sukwahi sa mga isulti sa mga dealer sa buyers.
Gibutyag usab ni Caindec nga wala’y backlog ang LTO 7 sa rehistrasyon sa sakyanan.
“Wala, except those na abtan pag lockdown due to covid infection sa new registration unit,” dason ni Caindec.
Pasangil sa Pinoy Aksyon nga daw daghan ang reklamo batok kang Caindec ug kinahanglan kini imbestigahan.
Ang Pinoy Aksyon mipadala og suwat kang Tugade niadtong Hunyo 11, 2020. (HBL)