SI SAMAR Governor Reynolds Michael Tan nanawagan og "swift justice" kalabot sa suway nga pagpatay kang Tagapul-an Mayor Vicente Limpiado sa Hulyo 16, 2020.
Si Tan nikondenar sa pag-atake nga iyang gihulagway nga "act of political violence."
"In this time of pandemic, this gross act of violence is nothing more than cowardice perpetrated by immoral men. It is a shame that these barbaric attacks continue to plague the First District. When will the bloodshed ever end?" matod sa gobernador sa usa ka pamahayag.
Nagbinugtong nga gunman nipusil kang Limpiado niadtong Huwebes sa buntag, Hulyo 16, dihang mobiya na unta siya sa iyang farm sa Barangay Sugod sa Tagapul-an.
Ang mayor naa sa stable condition. Giimbestigar pa sa kapulisan ang hitabo. (SunStar Philippines)