KAPIN sa 2,300 ka bag-ong mga kaso sa coronavirus disease (Covid-19) ug kapin sa 100 ang dugang nangamatay nga gitaho sa Sabado, Hulyo 18, sa Department of Health (DOH).
Sa ilang Hulyo 18 nga case bulletin, ang DOH nitaho og 2,357 ka bag-ong mga kaso sa Covid-19 base sa mga test nga gihimo sa 76 sa kinatibuk-ang 84 ka operational labs.
Kini naghatod sa kinatibuk-ang mga kaso sa Covid sa nasod ngadto sa 65,304, sa mga alas 4 sa hapon sa Sabado.
Mayoriya sa bag-ong mga kaso nagagikan sa National Capital Region (NCR), nga dunay 1,824. Ang nahabilin gikan sa Laguna (105), Cavite (62), Cebu (49), ug Rizal (39).
Ang DOH niingon usab nga dunay bag-ong 113 nga nangamatay nga ilang natala. Kini nagdala ngadto sa 1,773 sa kinatibuk-ang nangamatay.
Mayoriya sa bag-ong nangamatay gikan sa Central Visayas nga dunay 87, samtang ang NCR nitaho og 23. Ang nagpabiling tulo gikan sa Calabarzon, Bicol ug Western Visayas.
Ang health department niingon nga mga 40 sa bag-ong gitaho nga nangamatay nahitabo sa Hulyo, samtang 58 nahitabo sa Hunyo 15 ug Mayo 15.
Samtang, ang DOH niingon nga dunay 321 ka bag-ong recoveries nga natala sa Sabado.
Ang kinatibuk-ang Covid-19 survivors niabot og 22,067. Ang DOH niingon nga 54 nga nagdoble ilang gitangtang gikan sa kinatibuk-ang ihap sa mga kaso.
"Of these, two duplicates previously reported as recovered have been removed from the total count of recoveries after final verification," kini nagkanayon. (HDT, LMY sa SunStar Philippines)