MINNESOTA, USA-GIPABURAN sa pipila ka mga Filipino nga nanimu-yo sa Amerika si “Sugar” Shane Mosley sa pagpa-kigbatok niini kang kanhi pound-for-found king ug wala’y pildeng si “Money” Floyd Mayweather karong Mayo 1 sa MGM Grand Las Vegas, Nevada, USA.

Si Mosley, 38, 5’9 ang height, taga Pomona, California, kanhi IBF lightweight, WBC welter-weight ug WBC/WBA light middleweight champion, naghupot sa 46-5, 39 KOs nga rekord.

Click here for Election 2010 updates

Samtang si Maywea-ther, 33, 5’8 ang height, taga Las Vegas, Nevada, kanhi usab WBC super-feather, WBC lightweight, WBC lightwelterweight, IBF/WBC/IBA/IBO welterweight ug WBC light middleweight champion, adunay 40-0, 25KOs nga baraha.

Gikonsiderar si May-weather nga maoy labing lisod ig-on nga boksidor tungod sa nabantog nga depensa niini.

Apan usa ka Pinoyng ginganla’g Tim nga usa na ka US citizen sa Minnesota miingon sa pakighinabi ning tigbalita nga tinuod nga di malalis ang rekord ni Mayweather ug pwerti ka idlas apan matod niya nga walay rason nga maka-daog kini batok kang Mosley tungod kay dili man usab kini manumbag hinungdan nga ang maka-puntos niini mao lamang si Mosley.

Pipila usab ka mga Amerikano ang nitagna nga modaog gyud si Mosley unya human niini, ikaharong niya si pound-for-pound champion Manny Pacquiao.

Sa laing bahin ni-sibaw kaayo diri sa Ame-rika nga grabe ka bongga ang preparasyon ni Pacquiao alang sa iyang pagdagan pagka kongre-sista sa Sarangani Province batok sa bantugang kontra nga si Roy Chiongbian.

Ang Sunstar Superba-lita ug dyRF Radyo Fuerza nakadawat og taho gikan sa kasaligang tinubdan nga mipalit na og block-time program sa radyo ang boxing superstar alang sa kampanya sa kantidad nga dili mo-minos sa P1 million.

Nihatag usab og spo-rts utility vehicles ngadto’s iyang pito ka mga ma-yoralty candidates ug misikit sa mga sakop sa media aron magpatabang sa kadaugan sukwahi kaniadto nga lihay kini sa press. (Daniel Quindao Guden-Correspondent)