Dear Papa Joe,
Tawaga lang ko og Arnold, usa ka factory worker. Ang akong problema ka bahin aning among QC. Suod kaayo namo ni siya. Pero karon lahi na.
Sa una magtinabangay mi apan karon lahi na. Nagsugod ni dihang nasakit siya ug ang kompaniya nisugyot niya na magpa-test apan di siya. So, kaming mga kauban niya nga mahadlok na matakdan basin Covid, nisugyot sad nga mas importante nga magpa-test siya kay lisod na magtakod mi. Panagana ra to amo. Mao napugos siya pa test ug nag-negative.
Sukad ato di na siya managad namo ug pangitaan na niya og sayop among trabaho nga permi mag-back job bisan gamay ra ang problema. Mao ni ron among problema kay di na healthy among relasyon. Unsa may among buhaton?
ARNOLD
Arnold,
Ayaw lang panumbalinga ang iyang style. Paninguhaa nga wa moy sayop. Mas maayo man sad na at least quality inyong trabaho. Wa ta masayod nga di maayo to inyong quality sa una pero sa ngan nga amigo mo gi-okihan lang niya.
Anyway, tagai lang sa na og panahon nga makaamgo na siya kay feeling ana niya nga na-discriminate na siya ug gitraydor ba. Wa pa na siya kasabot og prevention is better than cure.
Papa Joe
(sa inyong tampo ipadala sa papajoesuperb@gmail.com)