ANG Cebu City Government nangitag paagi aron pag-distribute sa financial assistance alang sa persons with disability (PWDs).
Si Cebu City Mayor Edgardo Labella niingon nga ang Siyudad kinahanglan mangita una og paagi unsaon sa pag-apud-apod sa pinansyal nga hinabang nga wa kinahanglanang magtapok ang daghang mga tawo.
“As soon as we shall have found a system where there would be no possibility of them having a mass gathering and violating the social distancing protocol,” matod ni Labella.
“We are just trying to find a way that there will be no mass gathering unlike what happened to senior citizens where some where distributed house-to-house, but there were still an influx after some of them went to City Hall,” dugang niya.
Sa sayo nga interview sa Sunstar Cebu kang Department of Social Welfare and Services (DSWS) head Portia Basmayor, iyang gipaneguro nga ang pag-apud-apod himuon nga house-to-house.
Ang siyudad, dunay 11,584 ka kinatibuk-ang kwalipikadong PWDs, dason niya.
Matod ni Basmayor, ang Siyudad niapud-apod sa pinansyal nga hinabang sa mga PWD sa first quarter niadtong Marso.
Tungod sa pagpatuman sa enhanced community quarantine, si Basmayor niingon nga ang Siyudad wa una mang-apud-apod sa second quarter.
“Last March 2020 pa ta nakahatag financial assistance (from the) City...na-skip due to pandemic,” pasabot niya.
Ang Cebu City Council nipahinumdom sa executive department sa pagpagawas og gitakdang schedules sa pag-apud-apod sa cash aid sa PWD pinaagi sa resolusyon nga giaprobahan sa Hulyo 17, 2020.
Ang PWD hatagan og P3,000 financial aid matag quarter suma sa nalatid sa ordinansa. (JJL)