ANG Pantawid Pamilyang Pilipino Program (4Ps) children-beneficiaries sa Central Visayas ningpakita sa ilang pagkamugnaon ug artistry atol sa community quarantine.
Pinaagi sa "Likha ng Bata, Para sa Bata," advocacy initiative sa Department of Social Welfare and Development (DSWD), ang mga bata sa 4Ps ningpakita sa ilang gibati ug samang higayon nasuporta sa kaluwasan ug kooperasyon sa tanan ning panahon sa Covid-19 pandemic.
Pito ka mga bata nga visual artists nigamit sa mabulukong kolor sa pagdibuho sa ilang gibati.
Kini sila mao si Gian Christopher Sanchez sa Daanbantayan, Justine Ronato sa Alegria, March Karen Cabiso sa Cordova, sa Cebu province; Love Gwyneth Talaboc sa Lazi, Siquijor; Mel Hingpit, Kristel Joy Arambala ug Paula Nicole Jumuad sa Batuan ug Antequera sa Bohol.
Ang umaabot nga grade 7 student, si March Karen nipasabot sa iyang dibuho nga nag-ulohan og “Pananampalataya: Liwanag ng Pag-asa sa Gitna ng Pandemya” nga nagpakita sa imahen ni Señor Santo Niño.
“As the cradle of Christianity, we have strong faith that prayer is one enormous weapon to fight this unseen enemy.." matod ni March Karen.
Ang artwork ni Mel Hingpit nagpakita sa kahiusahan ug kooperasyon sa tanan ug miila sa dakong tabang sa frontliners lakip sa healthcare workers, police force, military personnel ug social workers.
Ang upat ka mga bata nagpakita sa ilang gasa sa poem composition ug storytelling namely; Justine Jay Lanzadares sa Talibon, Bohol; Mirasol Basallo sa Daanbantayan, Cebu; Marianne Lontayao sa Siquijor, Siquijor ug Nicka Berioso sa Lazi, Siquijor.
Si Nicka nagtagik sa “Pandemya nga wala damha” sa Filipino ug Cebuano.
"Nasulat ko din sa tula na walang “forever” kasi hindi naman talaga magsi-stay ang Covid sa mundo dahil kusa itong titigil alinsunod sa gusto ng Diyos," matod ni Nicka.
Ang 10-anyos nga si Justine Jay niingon na padayon ug sunda ang imong damgo taliwala sa sitwasyon karon pinaagi sa iyang balak nga “Kaugmaon Ko Batok Corona Virus Disease.”
Pangandoy ko akong ipadayon
Bisan pa sa kahimtang karon
Kay kini usa lamang ka hulga sa panahon
Ug molurang sama sa balod sa baybayon.
Sakit nga Covid atong sugpoon
Balaod nga gilapid atong sundon
Hugupan ta, atong sulbaron
Mga frontliners, mga katawhan
Tinabangay kitang tanan
Aron kaugmaon ko, di maapektuhan
Batok sa sakit nga covid nga gekahadlokan.
Ang mga bata sa 4Ps epektibo sa ilang mensahe pinaagi sa mugna og kanta sama nila ni Francis Andrei Rosell sa Daanbantayan nga nagsuwat sa “Kagaw sa Kalibutan.”
Ang managsuong Jaymark ug Jasmin Catubig sa Samboan nikanta sa mixed pop ug rap “Covid Song.” Siyam ka mga bata gikan sa Carmen, Bohol nag-compose sa kanta nga “Pagbangon” nga dunay music video.
Matod ni Jaymark, nigamit sila sa ilang tingog sa pagpakita sa importansiya sa resiliency o pagkamaantson, unity ug pagsalig ug pagtuo sa Ginuo nga labawng' makakagahom.
“The song tells us that we should be resilient and be proactive in our community in terms of following health protocols and sharing the right information to others," dason ni Jaymark. (PR)