MISMO si Ilocos Sur Governor Ryan Singson ang mideklarar og persona non grata (dili welcome o gidid-an sa pagduaw sa lugar) batok ngadto sa tulo ka mga komedyante nga sila si Long Mejia, Dagul ug Gene Padilla.
Kini gumikan sa kalapasan sa quarantine protocol nga gihimo sa maong tulo ka celebrities nga niadto sa Ilocos Sur gabii sa Hulyo 18, 2020 nga giingong milikay sa check-point nga gihimo sa kapulisan.
“The unsanctioned visit and social activities in Sto. Domingo, Ilocos Sur of showbiz personalities Roberto Mejia a.k.a Long Mejia, Romy Pastrana a.k.a Dagul, Gene Baldivia a.k.a Gene Padilla along with their companions, without proper coordination with the LGU nor the PGIS Covid Action Center of Ilocos Sur, and with no legitimate purpose is an example of awful disregard of the existing quarantine rules of the Provincial Government. I strongly condemn these actuations,” tipik sa official press statement nga giluwatan ni Singson nga napatik sa PEP.ph.
Giawhag ni Singson ang mga sakop sa Sangguniang Panlalawigan nga mopalabang og resolution nga magdeklarar nilang Mejia, Patrana ug Padilla nga persona non grata sa ilang lugar.
“May this incident be a reminder that preventing local transmission of Covid-19 entails the cooperation of every sector of the society,” dugang pamahayag sa gobernador.
Wa pay giluwatang nga pamahayag ang mga hingtungdan kalabot sa maong deklarasyong persona non-grata batok nila.