GIPAHIBAWO sa Kapuso comedian Michael V. kagahapon, Hulyo 20 nga nagpositibo siya sa coronavirus disease human nga nakasinate sa mga simptomas niini.
“Siyempre nag-isolate na kagad ako, nag-quarantine na kagad ako. I took medicine nagpa-check up ako sa doctor online. I got better the following day,” tipik sa pamahayag ni Michael V. sa GMA News.
Nagduda na gilayon si Bitoy nga na-Covid siya sa dihang nawala ang iyang sense of smell, bisan ang labing isog nga perfume, alcohol, ug uban pa wa siyay matimahoan kinsa unom na ka adlaw nga naka-isolate.
Giklaro sa komedyante nga ilang gisunod ang mga health protocol nga gipatuman gani tagsa ra siyang mogawas apan na-igo gihapon sa virus.
“Worried not just for myself pero para din sa pamilya ko but with prayers and with God’s help, I think we can go through this. I think it’s gonna be OK,” sey pa ni Bitoy.
Si Michael V. nalakip sa talaan sa mga celebrity nga nataptan sa Covid-19 sama nila ni Iza Calzado, Christopher de Leon ug Howie Severino.