SECTIONS
Superbalita Cebu
Tuesday, September 21, 2021
SUPERBALITA CEBU

Covid gihimong lusot sa PUJ phaseout?

GUTOM NA MI. Pipila ka mga sakop sa Pinagkaisang Samahan ng mga Tsuper at Operator Nationwide (Piston) Cebu chapter nagpahigayon og rally sa kadalanan sa Lunes sa buntag, Hulyo 20, 2020, aron pagpadayag sa kalisod karon sa kinabuhi sa mga drayber nga wa na makapamasahero sud na sa upat ka mga buwan tungod sa coronavirus disease (Covid-19) health protocol. Gisita sila sa mga pulis. (Amper Campana)

NAGTUO si Pinagkaisang Samahan ng mga Tsuper at Operators Nationwide (Piston) Cebu chaiman Greg Perez nga gigamit sa gobyerno ang kahigayonan karong pandemya sa coronavirus disease (Covid-19) aron pagwagtang o pag-phase out sa mga public utility jeepney (PUJ).

Sa Lunes, Hulyo 20, nipahigayon og silent protest ang Piston Cebu subay sa gihimo nga nationwide protest sa nagkadaiyang parte sa nasod.

Mag-upat na ka mga buwan sukad ang mga PUJ wa na makadagan sa mga karsada.

Inubanan sa Piston Cebu nga milihok protesta ang Alyansa sa mga Mamumuo sa Sugbu-KMU (AMA Sugbu-KMU) ug Bagong Alyansang Makabayan (Bayan) Central Visayas.

Ang mga protesta gihimo sa Hernan Cortes ug Paknaan sa Mandaue City ug Englis, Mabolo, ug Country Mall sa Cebu City.

Usa ning pag-phase out sa jeep nga ilang giprotestaan.

Matod ni Perez nga inay tabangan sa gobyerno ang apektado nga jeepney drivers, mas gigamit hinuon ang kahigayonan nga i-phaseout ang karaang jeepney.

Namatikdan nga sagad sa gipadagan karon sa Land Transportation Franchising and Regulatory Board (LTFRB) kining mga modernong pampubliko nga sakyanan nga susama sa modern jeep ug bus.

“Busina para balik pasada. Ayuda para sa mga pamilya. Ug libre nga testing sa mga driver,” panawagan sa Piston human gihulagway nila nga kuwang ang ayuda nga gitunol sa gobyerno sa mga apektado nga driver sa Covid-19 crisis.

Gibutyag ni Perez nga sa kapin 500 nila ka miyembro sa Piston Cebu, wa kaabot og gatusan ang natabangan sa mga ayuda nga gihatag sa gobyerno sa mga pamilya nga nagrabehan sa krisis.

Susama niining Social Amelioration Program sa Department of Social Welfare and Development ug ang Covid-19 Adjustment Measures Program (Camp) sa Department of Labor and Employment (Dole).

Gusto usab sa grupo nga mapaubos sa libre nga rapid ug swab test ang tanang drivers tungod kay “dili ka-afford” ang drivers sa kantidad sa pagpa-test aton masuta kon positibo o negatibo sa Covid-19. (HBL, KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph