SUPERBALITA DAVAO

5 pa barangay sa Laak limpyo na sa druga

Hulagway gikan sa Google

DAVAO DE ORO -- Luyo sa padayong pakigbatok kontra coronavirus disease (Covid-19), gipaningkamutan sab sa lokal nga panggamhanan sa Laak nga kompletong malimpyohan sa ilegal nga druga ang 40 ka mga barangay.

Gibutyag nga Hulyo 20, nasakmit sa mga barangay Andap, Imelda, Kapatagan, Kiokmay ug Poblacion ang "drug cleared status" gikan sa Regional Oversight Committee nga gipangulohan sa Philippine Drug Enforcement Agency (PDEA).

Apan una pa man sa maong mga barangay, unom na ka barangay sa lungsod ang nadeklarang "drug cleared" sa ROC.

Sumala pa nga base sa guidelines sa Dangerous Drugs Board, ang barangay nga anaa sa status nga "drug-cleared" gikinahanglan nga wala nay suplay sa ilegal nga druga, wa na say transaksiyon sa druga, chemical warehouse, pagpananum og marijuana, drug den, ingon man wa na say mga drug pusher, user o drug dependent, drug protector, coddler o financier sa druga.

Dugang pa nga gikinahangang dunay aktibong mga barangay opisyal nga magpasiugda og mga anti-drug activities and awareness, pagkalambigit sa Sangguniang Kabataan aron masustineran ang drug free community ug padayong pag-educate ug pagtunol sa programang pag-information sa kadaghanan.

Ning probinsiya, duha pa lamang ka lungsod ang nadeklarang drug-cleared municipality nga mao ang Mawab ug Montevista. (Dexter T. Visitacion)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph