ATONG gikumusta ang pipila sa mga personalidad sa industriya sa musika ug recording sa Sugbo kon giunsa nila pag-survive kining pandemya ug kon kuntento ba sila sa gihimo sa atong gobyerno, nia ang tipik sa ilang mga tubag sa Ssssuper Ka!
ROMMEL TUICO
Hitmaker sa “Ulan” ug “Dili Tanan”
“Naka-survive kay grabe man akong control sa gasto. Mopalit ko kanang kinahanglan lang gyud. Maayo gyud diay magtigum. Pero hapit na mahurot akong tinigum. Hehe. Pero kahibawo ko di mi pasagdan sa Ginoo. Naa sad mi virtual jamming with other musicians unya daghang reactions from netizens so alive kaayo bisan naka-quarantine. Kon kuntento ba ko sa gibuhat sa gobyerno? Di lang ko mo-comment ani kay basin i-block nya ko sa ilang mga supporter. Haha...”
RUBEN CABALLERO
Cueshe Band Vocalist
“We survived this pandemic through the help of real friends and by reading the Bible verses: “Don’t love money, be satisfied with what you have. For God has said I will never fail you. Nor I will abandon you. Hebrews 13:5...” If the people in-charge of this pandemic don’t have respect in God then certainly we could not also expect them to respect us. Kami sa banda kaluoy sa Ginoo intact pa gihapon. Katapusan namong tukar February pa. Cueshe will never die. Among mga anak na unya ang mopuli puhon.”
GLORIA SUA-VILLAROJO
Events Manager
“How I wished the government has a very clear risk and disaster plans for any kind of pandemic of whatever kind be it now or in the future. A well coordinated strategy would have given a clear direction on what to do. The entertainers, bands and the people in the event industry were left out in terms of assistance from the government but ironically we are the ones called during fundraising. But nobody heard us complain. Hope we’ll do better after this. Actually, I just checked out from Miller after 8 days of confinement due to severe pneumonia. I was also tested for Covid as requirement. Salamat lang kay negative.”
BERNIE UY
Ex-Zee Band Vocalist
“Nisunod ra gyud ko sa safety protocol. I stayed home 24/7. Niapil ko sa online fundraising nga gi-organize ni Chad Borja para sa mga entertainers sa Cebu ug Davao nga nawad-an og trabaho tungod sa lockdown. Nitabang pud ko sa Abag sa Sugbo project diin nanghatag mi og mga basic food ug tambal sa mga hard hit areas nga mga barangay. Dili gyud ko makahusga sa gobyerno kay morag tanan sa kalibutan nakurat ug wala gyuy nakapangandam ani. Makita man pud nato nga naningkamot ang gobyerno og pangita og mga pamaagi nga ma-contain ang pag-spread sa virus in a way nga makahatag pud sila og provisions of food supply, samtang sige pa sila og eksperimento og lain-laing solusyon aning pandemya.”
FR. JOSELITO GUTIERREZ
Cebu Clergy Performing Artists
“Dia na ko na-assign sa Alegria, Cebu karon. Sa akong bahin, I survived this pandemic by being creative. Daily gihapon akong misa pero kay bawal pa man ang manambong so I used most of my freetime sa pananum, tudlo og catechism, spent more time reading and editing some of our concert videos. The government here is doing a great job by providing the needs of the people. Naa sad mi amoang program nga manghatag og food packs through our chapel officers. Estrikto kaayo ang implementation sa protocol diri. Salamat sa Diyos wala gyud mi nag-positive. Now nga luag-luag na gamay makahumol na sab mi sa dagat ma-weekend human sa among gardening. Manghatud sab kog communion sa mga senior citizen. Nagkalingaw sad mi og zumba, usahay badminton, mao nga wa gyud ko nibati og ka buryong. Ang Cebu Clergy Performing Artists turned 18 years last May 18. Our last show February pa. Nakahimo nuon mi og music video sa among original composition from our 2004 album.”
INSOY NIñAL
Missing Filemon Composer-Vocalist
“The first thing we did as a family, nanguli mi sa probinsya. Nangita mig unsay patok nga item nga mabaligya, sama sa alcohol. Nag-initiate pud kog campaign to collect donations aron ihatag sa mga igsoon namo diri sa bukid. Namalit mig sinako ug kinahon nga food items aron i-repack ug i-distribute sa bukid. Pero ang pinakaimportante sa tanan, nagsugod kog farming. Naa na koy 150 ka cacao seedlings nga natanom. Nagbangag mi para sa saging, lubi ug mga fruit trees. Namuhi pud mig free-range chicken aron ibaligya isip lechon. Producing our own food, sama sa pananom ug pamuhig kahayopan is the new normal. Mao na ni akong bag-ong kinabuhi. The whole time diri ra mi sa Pinamungajan ug kuntento kaayo ko sa pagda sa among mayor sa krisis. Gani, I worked closely with the LGU sa akong campaign for donations kay misalig ko pag-ayo sa among mayor. Wa na koy planong mobalik og tudlo.”