DEAR Noy Kulas,
Tawga lang kog Jerry, taga Cebu. Ang akong problema mao ang kauban sa akong asawa sa trabaho nga dia puyo sa amoa sukad nag-quarantine ug nag work from home sila. Nag-abang siya sa una, pero mahadlok siya sa iyang apartment kay siya na lang kunong usa gapuyo kay nanguli na ang ubang mga nag-abang sukad sa quarantine.
Okay ra man unta ni siya nga niari sa amoa kay makalingaw unya gwapa pa, pero nagsalig na man lang ni siya diri sa amoa. Lupig pay tag-iya sa balay kon makaasta. Iyang ang TV kon bakante na siya sa work. Unya kon maligo grabe kadugay ug kaduha pa sa usa ka adlaw. Grabe na kaayo ba. Di pa mo-contribute sa bayad sa kuryente ug tubig. Ang worst kay mokaon siya nga way amot-amot. Grabe na gyud.
Unsa may akong buhaton ani nga ang akong asawa molaban man. Okay ra kuno kay iyang amiga ug maluoy siya.
Unsaon kaha nako ni siya pagsulti nga kaming tanan sa balay, except sa akong asawa, wa makauyon sa iyang gibuhat? Please tambagi ko.
JERRY
Jer,
Usa lang bitaw na siya ka tawo ug di sab na magdugay tingali kon malibkas na ang quarantine. At least naka-experience siya sa inyong kaayo niya panahon ning grabeng krisis dala sa Covid-19. Di baya ron lalim ang pagpuyo kay lahi ra ang environment nato karon sa unsay atoang kanhi normal. Imagine lang, unsa kahay nahitabo niya kon wa pa na siya papuy-a sa imong asawa sa inyong balay karon. Basin duna na siyay nahuna-hunaang dautan samtang siya nag-inusara.
If you have one soul nga natabangan karong panahuna, you should be happy as Christians. Magmalipayon ka kay nakatabang mo og usa ka tawo nga bisan wa maglisod tingali, apan inyong napasilong sa inyong nataran. Kay karong panahuna, to be sane, ang tawo nagkinahanglan og kauban. Ing anaa pagtan-aw ang sitwasyon. Ayaw una palabihi pagtan-aw ang materyal nga aspeto sa pagpuyo niya sa inyoha. Di bitaw na magpermanente.
NOY KULAS
rojval69@yahoo.com ug kulassuper@sunstar.com.ph