Serna: Nawani sa showbiz news, informant natug?

NALINGAW ko sa kalambuan ning duha ka gwapa sa nasud, ang Ms. Universe 2018 nga si Catriona Gray ug ang inilog nga leading lady nga si Bea Alonzo.

Wa dayon ko ma-inform nga sila na diay si Catriona ug Sam Milby.

Morag natulog tingali sa tangkongan ang akong informant dâ! Ang katapusan nakong nahibaw-an mao ang panagbulag ni Cat ug Clint Bondad pa.

May bag-ong video si Cat ug Sam nga mubo nga version sa kanta ni Cat sa tuig sa iyang pagdaug isip Ms. U nga “We’re In This Together.”

Si Sam ang nagduyog sa gitara ug sigeg pasiplatay nga makahuluganon ang duha nga nagtingsi. Anà!

Sila na sab diay ni Bea ug Dominic Roque? Diin man intawn ning akong informant nga wala man gyud makahunghong dayon nako?

Sa kadugay ning duha sa showbiz morag karon pa nag-abot ang ilang mga dalan. Daghan ang giganahan kay pareson kuno ug puparehas og dagway ang duha.

Mao na kaha kini ang gipaabot ni Bea nga forever, basin?

* * *

May mga bag-ong banda ang Curve Entertainment.nga ang Inside City, Insights ug Alab diin ang mga sakop gikan sa ubang lugar sa nasud.

Taga Cagayan de Oro City ang Inside City (Clyde Aquino, Allan Satore, Kris Peñero ug magsoong Mark Chester ug Jay Mark Crisostomo) nga napili nga Top 6 sa Your Moment sa ABS-CBN ug may bag-ong kanta nga Balik Tanaw.

Taga Iligan ang Insights (Nella Mariquit, magsoong Christian ug Hajji Actub, Richie Saceda, Hubert Ates ug Marcel Avila). Let’s Start Over Again ang ilang unang single.

Taga capital city ang Alab (Jaworski Sison, magsoong Butch ug Brendan Bantog, Ian Go ug Darwin Mendoza) nga nidaug sa pipila ka music festivals ug karon may bag-ong kanta nga Aking Sinta.

Laing mga banda sa Curve Entertainment mao ang taga-Cavite ngaCherrydust ug ang taga-Tarlac City nga Northdrive ug Purpleshoes.

Ang mga kanta ning mga bandaha mahimo nang i-download ug i-stream sa Spotify ug tanang digital platforms.

Giapod-apod kini sa Curve Entertainment Inc.

* * *

Di na gyud madala bisan pa kon may ubay-ubay pa kong mga DVD nga wa matan-aw, lahi ra gyud ang salida sa telebisyon. Gawas pa, inig abot sa balay gikan sa mga lakaw nindot nga itan-aw kon unsa nay lakaw sa kalibutan.

Mao nga nidawat na lang gyud ko sa kamatuoran nga di na makabalik pa ang Sky Direct. Nikontak na lang ko sa tigtaud aron ma-ilisan og laing provider ug medyo mo-alegre na sab ang palibot.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph