Dear Noy Kulas,
Maayong adlaw. Just call me Xenia, minyo ug dunay mga anak.
Ang akong bana nag work sa abroad mga five years na. Sukad sa iyang pag-work, nakauli ra siya og ka usa kay lisod sa iyaha ang pag-uli tungod sa type of work. Ako ra sab nga giagwanta para sa future sa among mga anak kay six-digit ang among ma-receive monthly.
Di man ko gastador, akong napundar ang balay, sakyanan ug gamay nga negusyo namo. Nalipay kaayo siya sa akong handling sa money. Lahi kuno ko sa ubang mga asawa nga spoon feed ra sa mga bana. Di man gud ko ganahan nga naay mga estorya nga bati parte nako kay mao ra ba na ang sagad mahitabo nga dunay bati nga mga estorya. Busy kaayo ko sa business namo.
But last year, mga June, wa na mo-contact nako ang akong bana. Kalit kaayo nga naputol ang among communication. So, mga usa ka tuig mi nga way communication but ang among allotment wa man maputol. Ni-try ko og contact sa ilang company but wa ko tubaga. Naa siyay kauban sa work nga akong gi-PM, niingon nga naa ra siya ug okay ra ang akong bana but busy kaayo. Nag-ask sab ko kon wa bay babaye ang akong husband, but wa na ko niya tubaga.
Unsa kahay reason nganong ang akong bana ni-cut sa iyang communication namo? Naa na ba kaha siyay lain nga babaye? Unsa may akong buhaton aron ako siyang ma contact?
XENIA
Xenia,
Sa ingon niana nga mga kaso sa imong bana, duha ang imong mahimo. Mahimong modiretso ka sa pag-contact sa iyang kompaniya as legitimate and legal wife. Pauwani og daghang e-mails daily aron kapuyon sila, finally mo-communicate sila nimo.
Lain nimong mahimo mao ang pagdangop sa Overseas Filipino Workers Administration (OWWA) aron ka matabangan sa pag-contact sa kompaniya. Lahi ra kon ahensya na sa kagamhanan ang mo-communicate kay dunay weight. Ma-channel man gud ni pud sa embassy or consulate sa Pilipinas sa lugar diin siya nagtrabaho. Basin mapugos ang imong bana sa pag-communicate na nimo og balik.
Di ko ganahan nga mo-speculate kon unsay hinungdan. Lisod kaayong mo-assume tag babaye kay basin naa siyay problema nga di lang siya gusto nga mo-share aron di ka mabalaka. Pag-ampo hinuon nga way dautang nahitabo niya.
NOY KULAS