MANILA--Kusog kaayo ang pagsaka sa mga subscribers ni Lola Wending sa YouTube tungod kay sa kasamtangan, aduna na kini’y 81.9k subscribers sa iyang channel nga “Lola Wending” to think nga gisugdan lang niya kini (with her apo Irvin) nitong lockdown lang.
Lola Wending lives in Mindanao ug iyang gi-vlog ang iyang adlaw-adlaw nga mga trabaho, ang house tour sa iyang gamay’ng balay (pero daghan silang nagpuyo), ang pagpakaon niya sa iyang baboy nga bulaw, ang pagtudlo niya og ABKD sa iyang mga apo, ang pagluto niya og humba ug ang pagpakita niya sa iyang mga tanom nga utanon.
Kuwela sad ang video ni Lola Wending sa iyang mga emote kabahin sa pagtaas sa presyo sa Tanduay (diin mao kini ang ilimnon ni Lola Wending para makatulog siya).
Taas ang views sa mga videos ni Lola Wending hilabi na ang unscripted nga pagbadlong niya sa iyang apong si Wako nga sa kalagot ni Lola Wending, nabungat niya nga gabson kuno niya si Wako .
Kuwela sad ang kuwento ni Lola Wending sa pagkadamanon ni Wako ug mobangon kuno kini ug motutok kaniya (samtang tulog) nga daw ungo.
Unang watch ko pa lang sa video ni Lola Wending, nahimuot na ako tungod kay typical lola siya nga very demonstrative hilabi na sa iyang mga apo. Typical lola nga may paboritong apo ug may gikalagutan.
One time, nasabi ni Wako na “Palangga ko La” ug ang tubag naman ni Lola Wending, “palanggaon taka kung buotan ka , ug dili ka magpabadlong, tagaan pa hinuon kita kanunay og kwarta.”
Seventy two years old na si Lola Wending (that makes her the oldest vlogger, perhaps) ug matod niya, imbes na makaabot pa siya og 94 basin dili na tungod sa badlungon niyang apo nga si Wako.
Pero bisan og badlungon si Wako, paborito naman niyang kauban kini sa iyang tanang videos hilabi na kung aduna’y challenge nga ipahimo sa kanila si Irvin nga maoy taga-video ug maoy taga-edit ug upload sa mga videos ni Lola.
Kanunay nga makita si Lola nga nakapatong sa usa ka pantyon duol sa ilang balay. Mas gusto kuno niya didto tungod kay presko.
Sa iyang pangedaron, memorize pa ni Lola Wending ang poem nga “All Things Bright and Beautiful.”
Kinukuwento rin ni Lola Wending ang iyang kagahapon, nga aduna siyay nauyab kanhi nga gusto niya nga maoy iyang mapamana pero napunta siya sa usa ka “malditohon” ug sa dihang tulo na ang ilang anak, matod niya sa iyang bana nga “igo na ni, mag-family planning na ta,” ug tubag naman sa iyang bana, “depende sa ot---.”
Mabentang-mabenta ang mga emote ni Lola Wending kabahin sa Covid-19, sa pasyenteng may Covid nga miikyas sa tambalanan, ang wa niya pagkaapil sa ayuda tungod kay may senior citizen pension na siya pero wa niya makuha tungod kay bawal lumabas ang mga seniors. Maayo na lang unta ikapalit niya og ginamos.
Kanunay sad ang live ni Lola Wending kauban ang iyang mga apo sa iyang YouTube channel ug may mga nagdo-donate og cash. Pin na lang ang gihuwat ni Irvin ug Lola Wending ug makuha na nila ang unang suweldo nila sa YouTube nga feeling ko, puwede nang ikapa-repair sa ilang balay plus more Tanduays for Lola Wending. Hahaha!