KIDAPAWAN CITY -- Blanko pa ang kapulisan sa Pikit Municipal Police Station sa pagpusil-patay sa usa ka school principal alas 9:15 sa buntag niadtong Huwebes, Hulyo 23, 2020.
Giila ang biktima nga si Abdullah Hussain, principal sa Dagadas Elementary School sa Barangay Buliok sa maong lungsod.
Gibutyag ni Pikit Chief of Police Captain Mautin Pangandigan nga luwan ang biktima sa iyang motorsiklo sa Barangay Poblacion padulong na unta sa Dagadas Elementary School, apan kalit siyang gipusil sa duha ka wala pa mailhing mga mamumuno nga luwan usab og motorsiklo.
Nakaangon og samad pinusilan ang biktima sa iyang ulo ug likod nga bahin sa iyang lawas.
Hustisya maoy panawagan karon sa kabanay sa biktima, mga magtutudlo ug mga tinun-an.