SECTIONS
Superbalita Cebu
Saturday, September 18, 2021
SUPERBALITA CEBU

Daclan: Bea Alonzo ug Dominique Roque sila na ba gyud?

Ayg Saba

DAGHAN ang naukay kon unsa gyud katinuod nga may relasyon ang duha.

Taod-taod na usab nga atong nadunggan mahitungod nilang Bea ug Dominique, apan wala pa kini kompirmasyon gikan sa duha.

Human nga natapos ang relasyon nilang Gerald Anderson ug Bea Alonzo way laing na link sa dalaga kon dili si Dominique.

Ang Dominique usab wala tay nahibaw-an nga na-link kaniya gawas atong nahimo siyang third wheel sa pipila ka mga mag-partner sa showbiz.

Karon nagkaguliyang ang tanan kay may mga espekulasyon nga silang Bea ug Dominique na.

Sa sinugdanan murag friendship lang ang dating sa mga post nila sa ilang instagram nga managkauban.

Hangtod nga nakurat na lang ang tanan sa kadaghang mga litrato nga nanggawas karon sa duha ug makita pang sweet kini sa usag-usa.

Gani may mga post pa ang Dominique nga medyo may pagka-misteryoso ug maka-pangutana ka kon unsa gyud ang tinuod sa ilang relasyon ni Bea.

Sa pagkakaron pagtagbaw na lang mo sa wala pa ninyo makita nga mga pictures nila sa social media.

Ato lang usab huwaton kon unsay tubag nila kon sila na ba gyud, basta sa atong nahibaw-an wala sila ni-confirm ug wala usab ni-deny di buh, Ay'g Saba!

* * *

Gloria Diaz sa iWant original series nga "Beauty Queens" inyo nang makita karon gikan sa direksyon ni Joel Lamangan.

Wala pa nako matapos ang series pero interesado gyud ko sa dagan sa istorya niini mahitungod sa pamilya sa mga beauty queen.

Daghan sab siguro ang maka-relate niini hilabi na tong napugos na lang og rampa kay maoy gusto sa inahan o mapugos na lang kay ma-stress unsaon nga pamilya man sila sa mga kontesera.

Ang twist pa niini may nag-inusarang anak nga lalaki dinhi ang bidang si Gloria nga usa ka transwoman.

Nagsugod kini sa batanon pa ang inahan ni Gloria nga maoy unang carnival queen, atol sa reunion sa pamilya makita ug masundan nato ang ilang mga nindot, dautan, ug sekreto sa pamilyang "Beauty Queen."

Si Maris Racal ang nagdala sa batanon nga inahan ni Gloria, matod pa sa dalaga usa ka dakong prebelihiyo niya nga makauban ang mga beauty titlist sa usa ka pelikula.

Gawas sa atong Miss Universe Gloria Diaz ug Maris Racal kauban usab nila dinhi si Miss Universe-Philippines Maxine Medina, Reina Hispanoamerika, Winwyn Marquez ug Ross Pesigan.

Makita ninyo kining maong original series sa iWant app gikan sa direksyon ni Joel Lamangan, dinhi makita nato ang mga samad, sekreto ug mga bakak sa tulo ka henerasyon, Ay'g Saba!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!