Pangilad sa social media patok sa krisis sa milenyo

Hulagway iya sa Pexels
Hulagway iya sa Pexels

DAVAO DE ORO -- Patok ang social media ning kasamtangang krisis nga gisagubang dili lamang sa online negusyo, online dating, online ligawan ug uban pang klaseng aktibidad kundi lakip sab sa pagpangilad.

Ang biyuda nga negosyante nga wa magpabutyag sa iyang pangalan nagsulti nga diriyot maimpas ang iyang P100,000 human nakaila ug naka-chat pinaagi sa messenger ang nagpailang Cloyd Stanley nga suma pa nagtrabaho sa US Army.

Matud pa nga sa sige nila’g chat-chat, gumikan kay way lingaw tungod sa community quarantine, nagkarelasyon sila hangtud miabot sa punto nga misulti ang lalaki nga human sa problema sa Covid-19 muanhi sa Pilipinas aron makigminyo kaniya.

Apan, niadtong milabay’ng bulan, ang maong ka-chat sa biyuda misulti nga manghulam og P100,000 kay, matud pa, siya na-Covid ug naospital.

Buot sa biyuda nga makig-video call sa unang higayon sulod sa halos upat ka bulan nilang chat-chat apan wa misugot ang lalaki kay, matud pa, gidili sa ospital nga makig-video call ang usa pasyente.

Sumala pa nga dunay pangalan nga gi-chat ang lalaki nga didto ipadala ang kuwarta apan nagduda ang biyuda tungod kay Pinoy ang maong pangalan hinungdan nga mikonsulta kini sa tulo niya ka mga anak nga lalaki nga nagtrabaho sa managlaing lugar.

Ug pareho ang pangagpas sa tulo ka anak sa biyuda nga siya giilad sa lalaki sanglit sa susamang modus, ang usa sa tulo ka mga anak sa biyuda nailad sa maong pamaagi.

Misulti ang anak sa inahan nga sa pagsugod sa lockdown nakaila ug nakarelasyon sab niini pinaagi sa Facebook ang ginganlan og Catherine Stacey nga human napadad-an og kuwarta gi-block na siya sa Facebook ug di na makontak ang maong babaye.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph