DEAR Noy Kulas,
Tagoa lang ko sa ngan nga Ellah, buwag sa akong bana, pero naa koy uyab nga manghod kaayo nako.
Nagbuwag mi sa akong ana eight years ago kay wa na ko makaagwanta sa iyang pagkahimabaye ug sakit nga pagpanulti diri nako, as if ako ang nagkuwang ug ako ang sad-an. Mao to nananghid ko sa among lima ka mga anak nga mobiya ko sa amoang balay ug mobalik ko sa akong parents. Kay dagko na man sab ang mga bata, niuyon ra sila kay nakakita sila sa akong kalbaryo nga hapit kada adlaw nakong giantos.
Karon nga quarantine na, ang akong bana nikalit lang og text ug tawag ug nanugo sa among mga anak nga pabalikon ko sa amoa. Nangayo na siya og pasaylo nako ug aron kuno matunhay mi, magpuyo sa usa ka balay nga wa nay hilabtanay. Bahalag unsay iyang buhaton ug akoa basta mobalik ra ko.
Sa tinuod lang, nahadlok ko nga mobalik kay naay panahon ang iyang utok, manapat kay magselos bisan hapit na mi mag 60 anyos. Nakadungog raba ni siya nga naa koy uyab nga late 30s pa. Ako nang gibuwagan ang batan-on, pero pilit man gihapon kay nakat-on na kuno siyag love nako.
Noy, tambagi kaha ko kon unsay akong buhaton karon kay naglibog na gyud ko. Daghang salamat sa imong pagpatalinghug.
ELLAH
Ellah,
Wa may mawala nimo kon mopauli ka sa imoha. Basin nakaamgo na siya nga nagkatiguwang na man mo, angay n among magpuyo nga malinawon. Basin naputol na ang iyang pagka babaero kay wan a kaayo siyay gana tungod sa iyang edad. Kani ra bang sagad sa mga lalake, magkaedaran na, magkahinay na sab ang sexual activity. Mostly, huna-huna na lay gadako. Basin tingali mao ni ang nahitabo niya.
Buwagi na lang sa dayon nang imong uyab. Ulitawo pa man kaha na, papangitaa siyag batan-on nga mas haom sa iyang edad. Sa pagkatinuod lang, way maayong padulngan ang inyong relasyon, labina kon ikaw nagdatong anang tawhana in exchange for something nga nakapalipay ug naka boost sa imong ego. I am sure, maangkon ra nimo ang peace of mind kon imong buhaton kining tanan.
NOY KULAS