MAKAGUOL mobasa karon og mga comment sa social media kay maora ba og wala sila kakita sa tinuod nga nahitabo sa atong nasud.
Tinuod tingali tong gihimong pagtuon sa Harvard nga sa tanan kunong kaliwatan sa kalibutan kitang mga Pinoy maoy pinakadaling ilaron ug tuntohon. Motuo mo ani?
“The Harvard Institute of Socio-Political Progression (HIS-PP) did not just say Filipinos were gullible, it said it was the first among the world’s most gullible races,” matod pa sa usa ka kolumnista sa kaulohan.
Apan dili sad imposible nga sagad karon mas gipiling magpakahilum na lang tungod sa kahadlok ug gipaabot na lang ang tukmang panahon.
“IKAW NA”
Nakadawat ko og press release gikan sa Cebu Young Talent nga dunay bag-ong kanta nga i-release ang Australian-based nga Más Music Group nga giulohan og “Ikaw Na.”
Ang Más Music Group mao silang Marco “MacDaddy” Selorio ug rapper/producer Chris “Kyroe” Campbell.
Ang “Ikaw Na” collaboration sa hip-hop duo nga Crank$ nga gilangkoban sa mga Cebuano rapper nga silang Nate Dela Cruz ug Mark “Mxrcel” Navarra ug sa 17-anyos nga Manila-based nga si Aldrich Ang.
Ang “Ikaw Na” available na karong Agusto 7 sa digital music platforms sama sa Spotify ug Apple Music nga magsilbing buwena mano sa maong Australian-based record label.
“TAKIPSILIM NA”
Ang kantang "Takipsilim Na" sa Cebuano singer-composer nga si Rommel Tuico nga duet nila ni Jewel Villaflores available sad sa Spotify, iTunes ug ubang digital platforms.
Bahin sa atong article niadtong Huwebes sa Super Ka, giklaro ni Rommel nga kuntento ra siya sa gihimo sa gobyerno sa nahitabo karong pandemya.
“But in particular, dili ra pud kaayo. Kahibawo ko they tried their best but naa gyuy lapses. Makasabot ra ta kay wa man ta mag-expect nga ingon ani diay kagrabe ang Covid. So okay ra. Sakto na ni nga comment kay daghan ko friends sa FB nya lahi lahi mi og stand ug political views, iblock unya ko.. hehehe..” pung pa niya.