GISALMOTAN sa dul-an ka 300 ka national para-athletes ug coaches ang gipahigayon nga webinar—“Para sa PARA-Athletes”—nga giorganisar sa Philippine Sports Commission (PSC) niadtong miaging semana.
Ang mga PH team members nga misalmot gikan sa sports nga athletics, sitting volleyball, football, swimming, chess, archery, wheelchair basketball, cycling, dancesport, triathlon, bowling, powerlifting, badminton, table tennis, goalball ug bocci.
Ang usa ka semana nga online seminar alang sa differently-abled nga atleta usa ka selebrasyon alang sa ika-42nd National Disability Prevention and Rehabilitation sa National Council on Disability Affairs (NCDA).
Ang PSC nakig-alayon sa Philippine Paralympic Committee (PPC) niining seminar nga nagtutok sa pagdasig sa mga Pinoy nga para-athletes taliwa sa giatubang nga pandemiya sa tibuok kalibutan.
“Our goal is to raise social media awareness about para-sports, para-athletes and persons with disabilities, and recognize their achievements for the country,” matod ni PSC Sports Rehabilitation OIC Rico Barin.
Si PPC President Mike Barreto ug Secretary-General Walter Torres mapasalamaton kang PSC chairman William “Butch” Ramirez ug sa Sports Rehabilitation Unit sa higayon nga gihatag alang sa mga para-athletes sa nasod.
“We thank Chairman Ramirez for making sure that our para-athletes are educated on sports psychology programs like this to reinforce their training and skills,” sigon ni Barredo.
“This tribute given to our para-athletes during the NDPR week is a boost in their morale self-esteem, especially at times like this when the pandemic has resulted in the cancellation of sporting events,” dugang ni Torres, kinsa kanhi Olympian fencer.
Ang maong webinar naghisgot kabahin sa body and postural mechanics, proper mobilization ug transfer strategies for para-athletes. Aduna puy online zumb session nga gi conduct nila PSC physical therapists Arryl Puchero, Maya Angelou Mel, Jaja Antonio, Riggs Poblete, Christine Magtibay ug Fatima Pereyra.
Ang para-athletes nangandam na unta alang sa labing dakong sporting event sa Southeast Asia – ang 10th Asean Para Games – apan nakanselar kini tungod sa hulga sa Covid-19.
Hinuon wala kini nakapahugno sa kalibutan sa para-athletes tungod kay aduna pa'y laing events nga ilang maapilan sa umaabot.