DEAR Papa joe,
Ako diay si Aileen, 20 years old, taga Talisay. Nag work ko sa Cebu City before ug may ka live in ko nga kauban nako sa trabaho. Nagpuyo mi almost a year nga wala makahibawo ang akong ginikanan.
Tunga mi sa balay nga among gipatukod. Gamay gud kaayo nga murag kwarto kay sa squatter ra man mi puyo.
Karon nga nag ECQ, kinahanglan ko nga mouli kay wa na man koy trabaho. So, mahibong akong mga ginikanan nganong di ko mouli. Mao ni akong problema ron. Ni-text nako ang akong amiga nga silingan nga may kapuyo na daw nga lain ang akong ka live in. Ganahan ta ko komprintahon pero lisud na ilabang. Sakit oi. Unsa may buhaton nako? Tambagi ko.
AILEEN
Aileen,
Sakit pero mao man na ang kamatuoran. Pasalamat sad ta nga bisan nag-pandemic kay napamatud an nimo nga di siya tinuod. Gusto lang niya nga naay kunsumo.
Well, kon mao na, Day, ayaw na lang hasula ang imong kaugalingon. Well, mao sad nay resulta sa walay blessing sa mga ginikanan. Mao nay resulta sa tago-tago. Pasalamat ka wa ka mabuntis ato kay samot imong problema. Naa pay ugma, Day. Kana maoy timan-i kanunay.
Papa Joe
(para sa inyong tampo ipadala lang sa papajoesuperb@gmail.com)