SUPERBALITA CEBU

Lonzon: Telcos gipikhan sa presidente

Mata sa agila

PARA nako, sakto ang gihimo ni Presidente Rodrigo Duterte sa paghulga sa pagpasira sa mga higanting kompaniya sa telekomunikasyon o telcos sa Pilipinas.

Bati man gud ang gipakitang serbisyo sa Globe ug Smart. Daghang reklamo nga ilang gipabuhagay sa social media.

Apan ang pahibawo sa presidente nakapiang gilayon sa share of stocks niini nga angayan sab magbantay ang presidente sa iyang isulti.

Karong panahona nagtinga ang ekonomiya sa Pilipinas. Daghang kompaniya ang nanirado ang makaluluoy ang nawad an og trabaho.

Di man gud na mapasmo ang mga negusyante bisan og pila pa ka kompaniya ang sirad-an. Motibugsok sab ang kita sa gobiyerno pinaagi sa koleksyon sa buhis.

GCQ NA UNTA

Ubos sa modified enhanched community quarantine (MECQ) sa Cebu City mihulga ang ubang mga negusyante nga manira.

Kon mahimo, ayaw lang intawon kay samot makaluluoy ang katawhan nga nawad na na gani og trabaho sa karon tungod kay naapektahan sa Cpvid019 crisis.

Ilang gihimong rason naalkanse na sila pag-ayo ug lisod na alang sa pagbangon.

Paabot lang una ang pagpaubos sa GCQ karong Agusto 1 nga maoy gisaad sa Inter Agency Task Force (IATF) sa Cebu City.

Bisan kaluoy nalang sa himatyon nga ekonomiya sa siyudad ug ilabi sa mga tawo nga gipanggutom karon.

LOCKDOWN

Maayong magsabot ang Cebu City Government ug ang IATF sa pagpatuman sa granular lockdown.

Irespito sab unta sa IATF ang mayor nga gipili sa katawhan. Pila ramay pagsangpit kay ang deputy implementer sa Cebu City nga si Konsehal Joel Garganera kaalyado man ni Mayor Edgardo Labella.

Sa pagsuwat nako ning balita, wa nay kisaw nga nahitabo nga magkatinubagay silang Atty. Floro Casas ug Garganera.

Responsibilidad baya ni Labela ang mga panghitabo sa siyudad. Maayo unta og daghang modupa kon pikhan sa katawhan ang mayor.

Manago raba mo kon dunay di maayong balita. Kon maayong balita, maayo kaayong mosalida. (efrenlonzon71@gmail.com ug text sa 09235562777)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph