ANAA na sa 135 ang natalang kaso sa coronavirus disease (Covid-19) sa Cagayan de Oro human lima ka mga locally stranded individuals (LSIs) ug upat ka mga returning overseas Filipino workers (ROFs) nagpositibo sa reverse transcription-polymerase chain reaction (RT-PCR) test.
Matud ni City Health Office Epidemiologist Dr. Joselito Retuya, ang siyam nga mga pasyente nga Covid-positive gidala dayon sa city isolation unit pag-abot nila sa dakbayan.
Gitakda nga ibalhin silang tanan sa Temporary Treatment and Monitoring Facility.
Ang ika-127 nga kaso usa ka 46-anyos nga lalaki nga LSI gikan sa Cabuyao, Laguna ug residente sa Barangay Tablon. Usa sya ka asymptomatic ug wala'y nahibal-an nga comorbidities, matud ni Retuya.
Miabot sya sa Cagayan de Oro Hulyo 16 sakay sa eroplano ug gi-swab sya Hulyo 22. Ang result nigawas nga positibo Hulyo 27.
Ang ika-128 nga kaso usa ka 38-anyos nga lalaki nga LSI gikan sa Makati ug residente sa Camp Evangelista, Barangay Patag. Usa sya ka asymptomatic.
Niagi sya og rapid diagnostic test niadtong Hulyo 8 ug nagnegatibo ang resulta.
Miabot sya sa Cagayan de Oro pinaagi sa eroplano Hulyo 17 ug gi-swab sya Hulyo 22. nagpositibo ang resulta Hulyo 27.
Ang ika-129 nga kaso usa ka 43-anyos nga lalaki nga ROF gikan sa Middle East ug residente sa Barangay San Simon. Miabut siya sa NAIA kaniadtong Hulyo 12 diin siya gi-swab ug migawas nga negatibo ang resulta.
Miabot siya sa Cagayan de Oro pinaagi sa eroplano kaniadtong Hulyo 16 ug gi-swab sya Hulyo 22. Ang resulta nga migawas nga positibo Hulyo 27.
Ang ika-130 nga kaso usa ka 38-anyos nga lalaki nga ROF gikan Middle East ug residente sa Barangay Bugo. Miabot siya sa Clark International Airport sa Pampanga kaniadtong Hulyo 13 diin siya gi-swab ug migawas nga negatibo ang resulta.
Ang lalaki miabot sa Cagayan de Oro kaniadtong Hulyo 16 sakay sa eroplano ug gi-swab sya Hulyo 22. Ang resulta migawas nga positibo Hulyo 27.
Ang ika-131 nga kaso usa ka 36-anyos nga lalaki nga LSI gikan Laguna ug residente sa Barangay Tablon. Usa sya ka asymptomatic, matud ni Retuya.
Miabot sya sa Cagayan de Oro kaniadtong Hulyo 17 pinaagi sa eroplano ug gi-swab Hulyo 22. Ang resulta migawas nga positibo Hulyo 27.
Ang ika-132 nga kaso usa ka 52-anyos nga babaye nga LSI gikan sa Pasig ug residente sa Barangay Agusan. Miabot siya sa Cagayan de Oro Hulyo 17 pinaagi sa eroplano ug gi-swab sya Hulyo 22.
Ang resulta migawas nga positibo Hulyo 27. Gisulti ni Retuya nga ang babaye usa ka asthmatic.
Ang ika-133 nga kaso usa ka 35-anyos nga lalaki nga ROF gikan Middle East ug residente sa Barangay Tablon. Nakaabut siya sa Manila Hulyo 12 diin siya gi-swab. Ang resulta migawas nga negatibo.
Miabot sya sa Cagayan de Oro Hulyo 18 ug na-swab kaniadtong Hulyo 22. Ang resulta migawas nga positibo Hulyo 27.
Ang ika-134 nga kaso usa ka 22-anyos nga lalaki nga ROF ug residente sa Barangay Balulang. Miabot siya sa Cagayan de Oro pinaagi sa eroplano Hulyo 18 ug gi-swab Hulyo 23. Ang resulta migawas nga positibo Hulyo 27.
Ang ika-135 nga kaso usa ka 25-anyos nga lalaki nga LSI gikan Manila ug residente sa Barangay Bonbon. Mibiyahe siya gikan sa Manila Hulyo 17 ug nakaabot sa Cagayan de Oro pinaagi sa pagbiyahe sa dagat Hulyo 19.
Ang lalaki gi-swab ug nagpositibo Hulyo 27.
Sa pagkakaron, anaa sa 68 ka mga active cases ang Cagayan de Oro, diin pito niini outpatients ug 61 ka mga ROF/LSI.