ANG kinatibuk-ang ihap sa mga recovered patients nga nagpositibo sa Covid-19 sa Cagayan de Oro miabot na sa 74, milapas kini sa active cases sa dakbayan nga 60.
Matud ni Acting City Health Officer Dr. Lorraine Nery, ang Covid-19 Emergency Operations Center nakatala og 13 ka mga bag-ong recoveries. Ang ilang mga resulta migawas nga negatibo Hulyo 28.
Lakip sa 13 nga mga recovered Covid-19 nga mga kaso ang katapusan nga pasyente gikan sa Dabatian, Barangay Carmen nga nagnegatibo sa iyang ika-pito nga swab.
Ang uban nga mga recovered nga pasyente mao ang:
- usa ka 63-anyos nga lalaki nga locally stranded individual (LSI) ug residente sa Barangay Iponan;
- usa ka 22-anyos nga babaye nga LSI gikan sa Malabon ug residente sa Barangay Kauswagan;
- usa ka 47-anyos nga lalaki nga LSI gikan sa Manila ug residente sa Barangay Lapasan;
- usa ka 26-anyos nga babaye nga LSI gikan sa Quezon City ug residente sa Barangay Carmen;
- usa ka 4-anyos nga lalaki nga LSI gikan sa Quezon City ug residente sa Barangay Carmen, kini siya ang anak sa 26-anyos nga babaye;
- usa ka 35-anyos nga babaye nga LSI gikan sa Novaliches ug residente sa Barangay Mambuaya;
- usa ka 31-anyos nga lalaki nga returning overseas Filipino worker (ROF) gikan sa Middle East ug residente sa Barangay Kauswagan;
- usa ka 22-anyos nga lalaki nga LSI gikan sa Pasig City ug residente sa Barangay 35;
- usa ka 44-anyos nga lalaki nga ROF gikan sa Middle East ug residente sa Calaanan, Barangay Canitoan;
- usa ka 47-anyos nga lalaki nga ROF gikan sa Middle East ug residente sa Macanhan, Barangay Carmen;
- usa ka 19-anyos nga lalaki nga LSI gikan sa Manila ug residente sa Barangay Consolacion; ug
- usa ka 21-anyos nga lalaki nga LSI gikan sa Lapu-Lapu City, Cebu ug residente sa usa ka gated community sa Upper Balulang.
Samtang, ang City Health Office nakatala og usa ka Covid-positibo nga dili residente sa Cagayan de Oro nga naka-recover usab sa impeksyon sa virus.
Ang pasyente usa ka 18-anyos nga LSI gikan sa Zambales. Ang ikatulo nga resulta sa iyang swab migawas nga negatibo.