SUPERBALITA CAGAYAN DE ORO

5 ka LSI ang bag-ong kaso sa Covid-19 sa Cagayan de Oro

LIMA usab ka mga locally stranded individual (LSI) ang bag-ong kumpirmadong kaso sa coronavirus disease (Covid-19) sa Cagayan de Oro human sila nagpositibo sa reverse transcription-polymerase chain reaction (RT-PCR) test.

Ang kinatibuk-ang ihap sa mga nakumpirma nga mga kaso sa Covid-19 sa dakbayan miabot na sa 140.

Matud ni City Health Office Epidemiologist Dr. Joselito Retuya, ang tanan nga mga bag-ong kaso gidala sa city isolation unit pag-abot nila sa dakbayan. Tanan sila asymptomatic ug wala'y comorbidities.

Ang lima ka mga pasyente nagpabilin karon sa Temporary Treatment and Monitoring Facility.

Ang ika-136 nga kaso usa ka 26-anyos nga babaye nga LSI gikan sa Dakbayan sa Sugbo ug residente sa Barangay Kauswagan. Miabot siya sa Cagayan de Oro pinaagi sa eroplano kaniadtong Hulyo 22 ug gi-swab Hulyo 27.

Ang resulta migawas nga positibo Hulyo 28.

Ang ika-137 nga kaso usa ka 19-anyos nga lalaki nga LSI gikan sa Talisay, Bacolod ug residente sa Barangay Gusa. Miabot siya sa Cagayan de Oro kaniadtong Hulyo 18 pinaagi sa pagbiyahe sa dagat ug gi-swab Hulyo 27. Ang resulta migawas nga positibo Hulyo 28.

Ang ika-138 nga kaso usa ka 34-anyos nga lalake nga LSI gikan Marikina City ug residente sa Barangay Tumpagon. Miabot siya sa Cagayan de Oro Hulyo 19 pinaagi sa pagbiyahe sa dagat ug gi-swab Hulyo 27. Ang resulta nga positibo migawas Hulyo 28.

Ang ika-139 nga kaso usa ka 53-anyos nga lalaki nga LSI gikan Mandaue City, Cebu ug residente sa Barangay Patag. Miabot siya sa Cagayan de Oro pinaagi sa eroplano Hulyo 19 ug gi-swab Hulyo 27. Ang iyang swab test migawas nga positibo Hulyo 28.

Ang ika-140 nga kaso usa ka 53-anyos nga lalaki nga LSI gikan sa Mandaue City, Cebu ug residente sa Barangay 36. Matud ni Retuya nga ang lalaki usa ka co-passenger sa ika-139 nga kaso.

Miabot siya sa Cagayan de Oro pinaagi sa eroplano Hulyo 19 ug gi-swab Hulyo 27. Ang resulta migawas nga positibo Hulyo 28.

Samtang ang City Health Office nakatala og usa ka positibo nga kaso sa Covid nga gi-retag sa Pasig City.

Ang gi-retag nga kaso usa ka 37-anyos nga lalaki nga Authorized Person Outside Residence nga adunay permanente nga adres sa Ormoc City.

Matud ni Retuya, ang lalaki nagpuyo sulod sa tulo ka tuig sa Pasig City tungod sa iyang trabahoan nga nahimutang sa nasangpit nga lungsod.

Miabot siya sa Cagayan de Oro pinaagi sa eroplano kaniadtong Hulyo 16 samtang nakasinati sya ug sintomas sa virus. Nagpabilin siya sa usa ka lodging house sa usa sa mga barangay sa lungsod.

Ang lalaki gi-rapid diagnostic test sa usa ka pribado nga pasilidad diin nagpositibo ang resulta. Siya gi-swab ug ang resulta migawas nga positibo Hulyo 28.

Sa pagkakaron ang 37-anyos nga lalaki nagpabilin sa Temporary Treatment and Monitoring Facility.

Matud ni Retuya, nagsakay ang lalaki sa usa ka taxi. Ang drayber sa taxi, nga giila nga close contact sa 37-anyos nga lalake, naa na karon sa city isolation unit.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph