Laing tigbakayan ang gironda sa kapulisan sa lungsod sa San Fernando, Probinsya sa Sugbo alas 2:30 sa Miyerkules sa hapon, Hulyo 29, 2020, sa sitio Calapayan, Barangay Tubod nga mi resulta sa pagkasikop sa duha ka elected barangay official ug laing 56 ka mga sugarol.
Ang mga pulis naka dawat og impormasyon labot sa nagpadayon nga tigbakay sa maong lugar hinungdan nga ilang gihimo ronda.
Pag-abot sa mga sakop sa San Fernando police station pinangulohan sa ilang hepe, Police Captain Efren Dela Cruz Diaz, dali nga nag dinaganay ang mga sugarol apan wala makaikyas ang 58 ka mga tawo, lakip na ang duha ka mga barangay konsehal.
Ang duha giila nga sila si Malou Dela Cerna Baringui-an, 43, barangay councilor sa Balungag, San Fernando ug Richard Mendez Alidon, 57, barangay councilor sa Barangay Tunghaan, Minglanilla, Cebu.
Gitakdang pasakaan og kaso sa kalapasan sa Presidential Decree (PD) 1602 ang mga dinakpan karong adlawa, Hulyo 30, sa Provincial Prosecutors Office.
Niadtong Sabado, Hulyo 25, usa ka tigbakayan sa lungsod sa Daanbantayan nga giapilan sa dagkong mga manariay ang gironda diin 31 ka mga tawo.
Pito ka mga elected public official apil sa 23 ka mga tawo nga nakaeskapo nailhan ug pasakaan og mga kaso. (AYB)