DEAR Papa Joe,
Tawga lang ko sa ngalan nga Nelson, taga Cebu ra.
Kining akong problema di kabahin sa gugma, kon di kabahin sa sitwasyon sa bisyo. Kabahin kini sa mga akong ig-agaw nga user. Tulo ni sila, Papa Joe, halos nalang manghilabot sa among mga silingan, mangawat. Bisan unsa na lang kawaton. Mauwaw nalang mi nga madamay among apilyido tungod ani nila, Papa Joe. Naay ka usa, ang planggana ug balde nawala. Halos na lang tibuok sityo namo nagyagaw na intawon.
Unsaon kaha ni namo sila, Papa Joe, kabahin aning problema namo. Tambagi mi.
NELSON
Nelson,
Ang akong ikatambag ninyo mao ang di pagkonsinti anang inyong kadugo. Mas maayo nga ipadakop na ninyo. Ug mahatgan pa gani ninyo og maayong dungog ang inyong apelyido kay wa mo mokonsinti. Di man sad ingon nga binuhatan ni Juan ug Pedro, binuhatan na lang sa tanan.
Kana, ang mabasol ana siguro mao ang mga ginikanan ana nga kuwang og pagpakabana. Hinuon, sa ngan nga kadugo, bata pa lang, inyo sad unta na gidisiplina.
Anyway, di paman siguro uwahi ang tanan, pwede sad na ninyo tambagan. Ugkata ang hinungdan ngano na ing ana sila. Again, kadugo man kaha, magpakabana mo ug kana kay di na man maayo og binuhatan, mas maayo di ninyo ipakonsinti, ipapriso kon gikinahanglan.
PAPA JOE
(sa inyong tampo ipadal lang sa papajoesuperb@gmail.com)