SUPERBALITA CAGAYAN DE ORO

10 ka bag-ong Covid-19 recoveries natala sa Cagayan de Oro

USA ka local case, tulo ka mga returning overseas Filipino workers (ROFs), ug unom ka mga locally stranded individuals (LSIs) nga nagpositibo sa coronavirus disease (Covid-19) ang gi-tag karon nga recovered human ang resulta sa ilang swab test migawas nga negatibo Miyerkules, Hulyo 29.

Ang kinatibuk-ang ihap sa mga recovered patients nga nagpositibo sa Covid-19 sa Cagayan de Oro anaa na sa 84.

Lakip sa 10 nga mga recovered Covid-19 nga mga kaso ang 30 anyos nga babae nga local case gikan sa Barangay 35 nga nagnegatibo sa iyang ikaduhang swab.

Ang uban nga mga recovered nga pasyente mao ang:

* Usa ka 27 anyos nga babae nga LSI gikan sa Puerto Galera, Mindoro ug residente sa Barangay Camaman-an

* Usa ka 54 anyos nga lalaki nga ROF gikan sa Middle East ug residente sa Barangay Nazareth

* Usa ka 40 anyos nga lalaki nga ROF nga gikan sa Middle East ug residente sa Barangay Tablon

* Usa ka 44 anyos nga lalaki nga LSI gikan sa Makati ug residente sa Barangay Macabalan

* Usa ka 19 anyos nga lalaki nga LSI gikan sa Quezon City ug residente sa Barangay Bayanga

* Usa ka 25 anyos nga babaye nga LSI gikan sa Sugbo ug residente sa Barangay Balulang

* Usa ka 30 anyos nga babaye nga LSI gikan sa Makati ug residente sa Barangay Kauswagan

* Usa ka 32 anyos nga lalaki nga LSI gikan sa Pangasinan ug residente sa Barangay Mambuaya

* Usa ka 37 anyos nga ROF ug residente sa Barangay Tumpagon

Matud ni Acting City Health Office nga si Dr. Lorraine Nery nga ang total recoveries sa dakbayan naglangkob sa 58.74 percent sa kinatibuk-ang kumpirmadong kaso sa Covid-19 nga 143.

Sa pagkakaron, ang Cagayan de Oro adunay 53 ka mga active cases, diin lima ang outpatients ug 48 ang mga ROF/LSI.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph