SUPERBALITA CAGAYAN DE ORO

143 na ang kaso sa Covid-19 sa Cagayan de Oro

ANAA na sa 143 ang kaso sa coronavirus disease (Covid) sa Cagayan de Oro human nagpositibo ang resulta sa tulo ka mga locally stranded individuals (LSI).

Matud ni City Health Office Epidemiologist Dr. Joselito Retuya, ang tulo ka mga bag-ong kumpirmadong kaso gidala dayon sa city isolation unit pag-abot nila sa dakbayan.

Gikatakda sila nga ibalhin sa Temporary Treatment and Monitoring Facility.

Ang ika-141 nga kaso usa ka 54 anyos nga lalaki nga LSI gikan sa Malate, Manila ug residente sa Barangay Bugo. Miagi siya sa rapid diagnostic test sa Manila kaniadtong Hulyo 13.

Ang lalaki miabot sa Cagayan de Oro pinaagi sa eroplano Hulyo 19. Siya gi-swab Hulyo 28 ug ang resulta migawas nga positibo Hulyo 29.

Matud ni Retuya nga ang 54 anyos nga lalaki asymptomatic pero nahibal-an nga naa sya'y spinal injury.

Ang 142 nga kaso usa ka 31 anyos nga lalaki nga LSI gikan sa Mactan, Cebu ug residente sa Barangay Patag. Miabot siya sa Cagayan de Oro pinaagi sa eroplano Hulyo 22 ug gi-swab sya Hulyo 28.

Ang lalaki adunay spre throat sa adlaw sa wala pa siya gi-swab. Ang resulta sa swab test migawas nga positibo Hulyo 29.

Ang 31 anyos nga lalaki usa ka asthmatic, matud ni Retuya.

Ang 143 nga kaso usa ka 46 anyos nga lalaki, LSI gikan sa Malate, Manila ug residente sa Barangay Bayabas. Miagi siya sa rapid diagnostic test sa Manila kaniadtong Hulyo 17 ug nagnegatibo ang resulta.

Miabot siya sa Cagayan de Oro pinaagi sa eroplano Hulyo 19. Siya gi-swab Hulyo 28 ug ang resulta migawas nga positibo Hulyo 29.

Ang lalaki asymptomatic ug wala'y comorbidity.

Nakatala usab ang City Health Office og usa ka kaso nga Covid-positibo nga gi-retag sa Quezon City.

Ang gi-retag nga kaso usa ka Authorized Person Outside Residence (Apor) kinsang home address naa sa Quezon City.

Matud ni Retuya, ang gi-retag nga kaso usa ka plumbing engineer nga nagpuyo sa Manila sugod kaniadtong Pebrero 2020. Miabot siya sa Cagayan de Oro Hulyo 21 pinaagi sa eroplano ug gi-swab Hulyo 27. Ang resulta migawas nga positibo Hulyo 28.

Ang Apor asymptomatic ug wala’y comorbidity. Gikatakda siya nga ibalhin sa Temporary Treatment and Monitoring Facility.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph