MGA sundalo nga nadestino sa kabukiran sa lungsod sa Montevista, Compostela Valley Province naglusad og usa ka adlaw nga Medical and Dental Civic Action Program (MEDCAP) samtang gisaulog ang ika-41 nga anibersaryo sa mga rebeldeng New People's Army (NPA) niadtong Lunes.

391 ka mga medical ug dental nga mga kaso gikan sa nagkadaiyang barangay sa Montevista ang natala atol sa gilusad nga MEDCAP nga gipangulohan 3rd Special Forces Battalion inabagan sa tanang medical ug dental teams gikan sa Armed Forces, volunteer nga mga doktor ug nurses gikan sa Nabunturan provincial Hospital sa Compostella Valley.

Si Maj. Gen. Carlos Holganza, commander sa 10th Infantry Division (10ID), nagpahayag nga labing importante ang kooperasyon ug pagtinabangay sa mga sundalo aron maalagaran ang katawhan.

"We saw that the mutual assistance between soldiers, LGU, and other stakeholders particularly in this MEDCAP benefit our people. The destruction and violence perpetrated by our misguided brothers only damage our country and our economy. It is time for us to unite and stop such senseless violence so that we can move forward as one nation," ni Holganza sa Superbalita.

Dihang gipangutana bahin sa preparasyon sa 10th ID bahin sa anibersaryo sa NPA, si Holganza nagbutyag nga ang mga sundalo magpadayon sa pagpanalipod sa katawhan batok sa kasamok nga gihimo sa mga NPA.

"Our soldiers will continue to protect our people and serve them the best way we can. While they (NPA) can brag about the killings, extortions and many crimes they committed against our people as they celebrate their 41 years of continued atrocities, our soldiers will humbly serve our countrymen. Proof of this is our medical mission right on their anniversary," suma ni Holganza.

Ang maong opisyal nagbutyag nga ang medical ug dental missions sa kabukiran regular nga kalihukan sa mga sundalo sa tibuok nasud sa paghatud og libre nga serbisyong panglawas sa katawhan isip kabahin sa ilang paningkamot nga mapatunhay ang kahusay ug kalamboan sa nasud. (AD)