SUPERBALITA DAVAO

Food and medicine pass tipigan

SunStar file

ILIBKAS na ang paggamit sa Food and Medicine Pass sa Siyudad sa Davao.

Kini maoy gipahibawo ni Mayor Sara Duterte sa dihang nahinabi sa 87.5 FM DcDR Biyernes, Hulyo 31, 2020.

Lakip nga ilibkas mao ang curfew hours sa siyudad nga gipatuman gikan alas 5 sa buntag hangtud alas 9 sa gabii.

Hinuon ang paglibkas moepekto pa sa Lunes, Agosto 3, 2020, kon mapagawas na ang Executive Order sa mayor sa siyudad.

Tumong sa mayor nga buot niining makabaton ang Dabawenyos og self-regulation taliwala sa nasinati nato nga pandemya sa Covid-19.

Masukod sab dinhi ang disiplina sa katawhan kay kinahanglan kaayo kini sa pagpakgang Covid-19 nga hangtud karong panahona wa pay bakuna o tambal.

Apan giklaro sa mayor nga paglibkas sa FM pass ug curfew, mag-agad kini sa kahimtang sa dagan sa pandemya dinhi sa siyudad hangtud sa Agosto 15. Kon ugaling mamatikdan nga mosulbong ang kaso sa magkasakit, posibleng mobalik sa istriktong quarantine.

Milaum ang mayor nga di kalimtan sa katawhan nga ang siyudad naa gihapon ilawom sa community quarantine busa kinahanglan nga mosunod sa mga protocols sama sa pagsul-ob og face mask kanunay, pagsunod sa social distancing, paghugas og mga kamot ug labaw sa tanan ang pagpuyo kanunay sa panimalay.

Sa pagkakaron, pabilin ang Dakbayan ug Davao Region sa modified general community quarantine.

Apan nagtambag ang mayor nga tipigan ang quarantine pass ug di ilabay kay posibleng magamit pa kini depende unya sa lihok sa mga tawo.

Samtang kon ugaling mamentinar na sa katawhan ang ihap sa kaso ug manageable na hangtud sa Agosto 30, ilibkas na sab ang liquor ban ug subli na sab nga ablihan ang Roxas Night Market.

Apan kining tanan, matud niya, mag-agad lang unya sa katawhan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph