SUPERBALITA DAVAO

Asawa gihangop kulata sa bana

DAVAO DE ORO -- Imbis halok ug gakos ang isugat sa misis nga bag-ong miuli, sumbag ug sipa na hinuon ang gisugat sa hubog nga bana nga naabtang nag-inom kauban ang mga higala didto sa Barangay Poblacion, Compostela.

Sa pakighinabi sa Sunstar Super Balita sa 27-anyos nga ginganlan og Aiza, gisaysay niini nga duha ka adlaw niya nga wa igkita ang higala nga si Daisy, 23, gumikan kay wa kini gawas-gawas sa ilang balay sanglit maulaw sa mga silingan nga nakakita sa hitabo.

Gisulti ni Aiza nga adlaw'ng Martes, Hulyo 28, 2020, alas 2 sa hapon dihang miuli si Daisy human sa usa ka adlaw nga pagbisita sa balay sa iyang ginikanan sa lungsod sa Maragusan.

Matud pa nga malipayong mikanaug sa gisakyang traysikel ang babaye nga nagbitbit og manok bisaya ug mga gulay nga pinadala sa iyang ginikanan.

Naghinamhinam siyang makit-an ang gikamingawang bana nga usa ka gabii nga wa ikatupad og higda.

Apan maoy misugat ang nagbarag-barag nga bana nga nanimahong tuba human nakigtagay sa mga higala.

Sumala pa nga giyawyawan og taman sa asawa ang bana bisan og anaa atubangan sa mga higala.

Ug tungod kay naulawan, gisumbag ug gipatiran sa lalaki ang asawa nga nagyawyaw hinungdan nga nakabuhian ang gibitbit niining manok ug nakasalisi palayo.

Dugang pa nga mipunit og bato ang asawa ug gilabay sa bana nga maayong pagkaigo sa nawong, dayong sulod niini sa ilang balay.

Apan gigukod siya sa bana ug didto sa sulod nagtiwas og lalis hinungdan nga nag-iyahay'g paduol sa balay sa mag-asawa ang mga tsismosang silingan ug naminaw.

Apan sa kalit lang naundang ang kusog mga tingog sa nag-away nga magtiayon ug namingaw.

Gibutyag ni Aiza nga buot na untang makigbulag sa bana ang asawa apan naghilak-hilak matud pa ang bana ug nangayo'g pasaylo dihang nahuwasan sa kahubog ug misaad nga dili na maghubog–hubog.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph