DILI tiaw ang kahadlok nga gibati sa 15 anyos nga dalagita human gilabni ang iyang kwentas ug gihikogan pa ang iyang liog.

Giila ang biktima nga mao si Russel Cadot, taga Sto. Ni¤o, Lapasan ning siyudad.

Nahitabo ang insidente niadtong Martes mga alas 9:00 sa gabii samtang naghulat og motorela nga masakyan ang biktima sa dalan Gaabucayan.

Gibutyag sa biktima nga kalit lang siya nga giduolan sa wala mailang suspetsado ug gibira ang iyang kwentas nga mobalor og P1,500.

Nidumili sa paghatag si Cadot hinungdan nga giduot kini sa suspetsado ug gihikogan ang biktima gamit ang iyang kwentas. Gibaharan pa kini nga kung dili ihatag ug huboun ang kuwentas iya kining hikogan pag-ayo.

Walay nahimo ang biktima gitangtang niini ang kwentas ug gihatag sa suspetsado kinsa kalmado lang nga nilakaw.

Ang kaso giimbestigahan na sa kapolisan sa Police Station 3 (PS3). (SVB)