Ika-144 nga kaso sa Cagayan de Oro usa ka ROF

File photo.
File photo.

USA ka returning overseas Filipino worker (ROF) and ika-144 nga kaso sa coronavirus disease (Covid-19) sa Cagayan de Oro human kini nagpositibo sa Sars-CoV-2.

Kini usa ka 33-anyos nga lalaki nga ROF gikan sa Middle East ug residente sa Barangay Camaman-an. Miabot siya sa Manila kaniadtong Hulyo 5 ug diin siya gi-swab. Ang resulta migawas nga negatibo Hulyo 11.

Matud ni City Health Office Epidemiologist Dr. Joselito Retuya, ang lalaki nagpabilin sa usa ka hotel sa Manila samtang nagpaabot sa iyang resulta. Miabot siya sa Cagayan de Oro Hulyo 21 pinaagi sa eroplano.

Ang 33-anyos nga lalaki ingon asymptomatic ug wala’y nahibal-an nga comorbidity. Siya karon nagpabilin sa Temporary Treatment and Monitoring Facility.

Nailhan sa City Health Office ang usa ka close contact sa lalaki.

Nakatala usab ang Cagayan de Oro og usa ka pasyente nga nagpositibo sa Covid-19 nga naka-recover.

Ang recovered nga Covid-19 nga pasyente usa ka 26-anyos nga lalaki nga ROF gikan sa Middle East ug residente sa Barangay Patag. Ang resulta sa iyang ikaduha nga swab test migawas nga negatibo Hulyo 30.

Giingon ni Retuya nga ang lalaki gikatakdang i-discharge kini nga semana o sayo sa sunod semana.

Sa pagkakaron, anaa na sa 85 ang kinatibuk-ang ihap sa mga recovered Covid-19 nga pasyente sa dakbayan.

Samtang, ang ika-36 nga kaso, usa ka 37-anyos nga babaye nga locally stranded individual (LSI) gikan sa Manila, gi-admit sa Northern Mindanao Medical Center (NMMC) human siya nagpakita og sintomas.

Ang nakaiskedyul alang sa ikaduha ug ikalima nga pag-swab Hulyo 31 mao: ang ika-117 nga kaso, usa ka 43-anyos nga lalaki nga ROF ug residente sa Barangay Bugo; ang ika-118 nga kaso, usa ka 47-anyos nga lalaki nga ROF ug residente sa Barangay Bulua; ang usa ka 23-anyos nga lalake nga taga Barangay Macabalan (5th swab); ug mga primary contacts sa ika-123 ug ika-125 nga kaso.

Sa pagkakaron, ang Cagayan de Oro adunay 53 nga active cases, diin lima niini ang mga outpatients ug 47 ang ROF/LSI.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph