SUPERBALITA CAGAYAN DE ORO

MisOr Provincial Hospital-Balingasag 14 ka adlaw manirado alang sa disinfection

MANIRADO sa 14 ka adlaw sugod Hulyo 31 ang Misamis Oriental Provincial Hospital-Balingasag aron mag-disinfect ug ma-quarantine ang mga close contact nga empleyado human kini nakatala og tulo ka mga bag-ong nakumpirma nga kaso sa Covid-19.

Matud ni Covid-19 Task Force Chief Dr. Jerie Calingasan, wala'y doktor, nars ug uban pang mga medical/healthcase personnel sa maong hospital ang nataptan sa coronavirus.

Ang mga pasyente gibalhin usab sa ubang provincial hospitals sa Misamis Oriental diin gisiguro ang padayon nga pagtambal ug isolation.

Matud ni Calingasan, gihimo na ang contact tracing. Gipasalig usab niya sa publiko nga ang Provincial Task Force ug ang local government unit sa Balingasag nanlimbasug sa paghimo sa pag-contain sa virus subay sa natukod nga plano sa paglihok sa mga komite nga gihimo aron matubag ang lokal nga transmission.

Ang Misamis Oriental nakatala og 64 ka mga nakumpirma nga mga kaso, diin 30 ang mga locally stranded individuals, 28 ang mga returning overseas Filipino workers, tulo ang Authorized Person Outside Residence ug tulo ang mga lokal nga kaso.

Sa 64 nga mga kaso, adunay 46 nga active cases, 17 nga recoveries ug usa nga namatay.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph