Dear Noy Kulas,
Tawga lang ko og Justine, 33, single but not available. Naa na koy fiancee nga nag work sa abroad kay citizen na siya didto ug ang iyang family. Kining akong problema parte ni sa among families.
Wa ko makahibawo nga dunay history ang among duha ka families. Ingon ani. Ang iyang mommy ex girlfriend sa akong daddy. Mga tulo ka years sila kapin nga uyab before si Mommy miabot sa life sa akong father. Nagkabuwag sila tungod sa akong mommy nga na-pregnant kay ato nga time, duna pay relationship ang mommy sa akong BF ug si Daddy. Therefore, di maayo ang ilang break up.
Nahibaw-an sa akong mommy nga ang mother sa akong BF maoy ex ni Daddy. Nasuko siya og maayo ug niingon nga pabuwagan ang akong BF. Mao sab ang nahitabo sa akong BF, suko kaayo ang iyang mommy. Giingnan mi nga way mahitabong marriage kay kon naa, magkagubot gyud. Bisan giunsa namo, di na mapawong ang kasuko sa among mga mommy. Mao ni ang among problema karon sa akong BF. Unsaon kaha ni namo? Mahimo ra man namo kon among ipamugos but lain kaayo kon ang among parents di okay. Unsa kaha ang among buhaton?
JUSTINE
Justine,
Bitaw, inyoha ra na nga desisyon kon ang inyong gugma ang ipatigbabaw. Medyo salikwaot tuod nga ang inyong parents dunay unfinished ug wa ma-settled nga issue. Labina gyud kon magkita mo sa unanng higayon sa iyang mommy nga ex sa imong daddy. Ug ang imong BF sab maoy maka feel og awkward kon sa unang higayon magkita sila sa imong mommy. Nalingaw kong naghuna-huna sa inyong kahimtang ba kay dunay exes factor.
Seriously, kanang inyong sitwasyon naa ra ninyong duha. Naa na man mo sa husto kaayong edad, you can decide on your own. I-factor lang ang sitwasyon sa inyong parents. Kay mosugot mo o di, lain ang feeling ninyo ana sa sinugdanan. But I am sure, eventually, kon ipaubos ang pride sa inyong mga mommy, okay ra na ang tanan puhon. Ang importante, nga inyong gipatigbabaw ang tiunay ninyong gugma. Inyong atubangon ang bisan unsang kalisdanan ug mga pagsuway nga moabot.
NOY KULAS