DEAR Noy Kulas,

Usa ko sa imong mga reader. Tawga lang ko sa ngalan nga Ms. September .Naa koy problema about sa among maguwang. Siya ang kinamaguwangan, Noy. Ang istorya ani kaniadto usa siya sa mga nagtrabaho nga mosaka sa barko nga mangita og kustomer, silbi matawag ni siya nga usa ka babaye nga ibaligya ang iyang espirito o magpagamit.

Para namo, Noy, di unta ko mangayo og tabang diha kanimo kay uwaw baya apan sakit kaayo lang namo nga magtan-aw kaniya nga mag-istorya siya rang usa.

Click here for Election 2010 updates

Magyawyaw bitaw siya unya and iyang iyawyaw mga bastos nga lain kaayo paminawon. Basig tungod sad ni sa iyang work sa una.

Mao ni iyang estorya. I guess, for 12 or 15 years old ni siya niuban sa paryente sa akong papa. Unya kining paryente sa ako papa is nagpuyo sa pier 6 sa una. Ang pier 6 dunggoanan man na sa mga barko nga dagko unya ang mga sakay sagolsagol. Naay Pinoy, naay foreigner. Di pa na siya dunggoanan sa Superferry.

Dunguanan na sa una sa dagkong mga barko.

Unya kon modunggo gani na ang mga dagkong barko pasak-on na sila sa ilang gitawag nga mama san mao na ang paryenye side sa akong papa. Unya, Noy, unyag saka nila mao to maghimo sila og himala didto. Akong papa, Noy, di gusto nga ingon ana iya work.

Aabi man gud sa akong papa nga tarong iyang work kay ang giingon sa iyang paryente is ipasulod ang ako maguwang sa katabang. Mao to among nadunggan nga mao diay na iyang work, Noy.

Mao to, Noy, giadto siya sa akong papa para paulion. Pag-adto sa akong papa wa man akong igsuon. Ingon to ang iyang paryente nilayas kuno apan ingon ilang silingan nga naa ra kuno sa sulod sa balay. Pagsulod namo wa may tawo apan gubot kaayo ilang balay. Daghang habol. Mao diay to ako maguwang nagbukot og habol. Mao to noy gipapauli ang akong igsuon. Di na man siya mouli bisan unsaon og bira sa akong papa. Gipasagdan na lang siya sa akong papa, Noy, kay gahi man og ulo. Akong sobra man to ka buotan gud. Di siya ganahan manapat bah kay grabe man sad na manapat akong papa.

Patyon man sad mao to nga naglikay na lang siya. Iya na lang gipasagdaan. Hangtod nimabdos siya. Ang amahan hapon. Hangtod nanganak siya og girl unya didto ra sad siya nipauli sa iyang mama san. Unya, Noy, na-admit siya kay ang inunlan sa bata nigunit sa matris ba to. Basta ingon ang doctor kuhaon iyang matris kay kon di dilikado kuno akong maguwang. Mao to gikuha iyang matris. Unya kami akong mama ang nibantay niya. Ang mama san wa gyud nibantay. Igo rang niduaw. Unya ang Hapon niduaw niya mao to nihatag og gamay nga kwarta. Unya ang bata naa sa iyang mama san. Mao to pag-uli niya sa balay sa mama san niya nipahuway siya. I guess gisuportahan siya sa Hapon. (padayunon)