SUPERBALITA CEBU

Editoryal: Hangtod mabakunahan

Editorial Cartoon by John Gilbert Manantan

SA GIPAABOT, ang Dakbayan sa Sugbo ubos na sa general community quarantine gikan sa modified enhanced community quarantine. Mao kini ang rekomendasyon sa Inter-Agency Task Force (IATF) nga giaprobahan ni Presidente Rodrigo Duterte.

Apan unsa may pasabot sa GCQ, minos na ba ang kagaw sa coronavirus disease? Bisan asa nga quarantine level, wa magpasabot nga libre na ang usa ka dapit sa Sars-CoV-2, kagaw nga nagdala sa Covid-19. Matag quarantine level nagpasabot lang sa kagrabe sa infection, wa magkahulogan nga libre na ang dapit sa kagaw.

Kon ang dapit nag enhanced CQ, nagpasabot nga grabe ang infection o pagpanakod. Sa MECQ, miminos gamay ang natakdan sa kagaw samtang sa GCQ, mas mikanaug ang gidaghanon. Nakita sa IATF nga sa 100 ka mga tawo nga gi-test, 11 na lang ang positibo, di na 30 nga maoy gidaghanon niadtong Hunyo.

Ang MGCQ nagpasabot nga mas gamay ang nangataptan sa kagaw, apan wa magpasabot nga wa na ang kagaw.

Busa, bisan gilugakan na ngadto sa GCQ ang Siyudad sa Sugbo, di gihapon karon panahon sa pagkompyansa. Kay kon mokompyansa pa ang katawhan, mahibalik ang Siyudad ngadto sa ECQ nga maoy nahitabo niadtong tunga-tunga sa Hunyo.

Obserbahan ang kanunay nga pagsul-ob og face mask, physical distancing ug kanunay nga pagpanghunaw sa mga kamot. Yano nga mga buluhaton, apan kon batasanon, makapalikay sa tawo gikan sa kagaw nga wa pay tambal dinhi nga makapatay.

Kon way importante nga lakwon, likayan ang pagawas sa balay. Isipon nga ang kaugalingon dunay kagaw sa Covid o kaha ang kaestorya, busa, protektahan kanunay ang kaugalingon. Likayan nga magpundok. Sa pagpanalipod sa kaugalingon, napanalipdan usab ang ubang mga tawo gikan sa sakit.

Timan-i kanunay, ECQ, MECQ, GCQ ug MGCQ, kining tanan nagpasabot nga naa ang kagaw. Huwata nga mabakunahan ka una mokompyansa.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph