NIPAHIMANGNO sa publiko ang Department of the Interior and Local Government (DILG) batok sa mga mangingilad nga magpaka aron ingnon nga mga sakop sa contact tracing team nga mangayog kwarta alang sa coronavirus test kits.
Matod ni DILG Undersecretary ug Spokesperson Jonathan Malaya nga dunay mga tawo nga mangingilad nga nagpatuong sakop sa contact tracing team nga manawag o magpadala og text messages, mosulti sa biktima nga sila close contact sa giingong pasyente sa Covid ug kinahanglan nga sila mobayad sa testing kit.
Gitataw ni Malaya nga ang lehitimong contact tracing teams di mangayog kwarta kay ang ilang tahas mao ang pagsubay ug pagkupot sa close contacts, pagpaminos sa pagkatap sa infection.
“We ask the public to be vigilant. Huwag po tayong basta-basta magtitiwala sa mga taong tatawag o magtetext para humingi ng pera. Pag may pera na po sa usapan, scam na po iyan," dugang niya.
Matod ni Malaya nga duna nay nahitabong pagpangilad sa rehiyon 3 gamit ang mao nga modus.
“Hindi nila ibibigay ang impormasyon about the alleged person na nag-positive [for COVID-19], sasabihin nila na they will violate privacy laws kuno,” siya niingon.
Bisan sa gamay nga impormasyon, ang mangingilad moinsister sa biktima nga mopailawom sa testing sud sa mosunod nga 72 oras.
“Pagtawag nila sa isang bahay, they will advise the person to self-isolate at magpa-test within 72 hours. Siyempre ito namang biktima will agree to undergo testing,” siya niingon.
Sunod nilang buhaton, kon ihatag na ang address sa biktima, dinhi na sila moingon nga ilang ipadala ang testing kits.
Mangayo na sila sa credit card number o uban pang pinansyal nga mga detalye kay ang test kits giingon nga tag 50 dolyares.
“Yun na yung catch, matapos makuha yung address ng biktima, bigla nila ngayon itong sisingilin at sasabihing hindi libre ang test kit. Inuulit ko po, hindi po naniningil ng bayad ang mga contact tracing team,” siya niingon.
“Kapag tumanggi naman yung tao, pagbabantaan sila na they will face penalties for not undergoing the coronavirus test,” dugang niya.
Giawhag ni Malaya ang mga biktima nga motaho gilayon sa police station. (REV uban sa PR)