NAGTUO ang mga Sugbuanong basketball personalities nga molambo ug modako pa ang 3x3 scene sa Pilipinas tungod kay aduna na kini professional league human aprubahi sa Games and Amusement Board (GAB) ang lisensiya sa Chooks-to-Go Pilipinas 3x3.
Matod sa mga Sugbuanong basketball personalities ug organizers pud sa 3x3 tournaments dinhi nga maayo kini nga kalambuan sa 3x3 scene og mahimo kining outlet sa ubang players nga wala makasulod sa professional 5-on-5 league.
“Happy because 3x3 Philippine scene has finally been recognized internationally and now there’s a pro league. The 3x3 sport has become a different outlet for our players to be more competitive and smart in the game of basketball,” matod ni coach Van Halen Parmis.
Dugang ni Parmis nga mousbong pa ang 3x3 league tungod aduna namay professional league niini sama sa 5-on-5 diin naa ang Philippine Basketball Association (PBA).
“I was thrilled thinking that the sport which is very common in the Philippines is now a pro league. This means a lot to Filipino basketball young stars who have taken 3x3 by heart,” dugang ni Parmis, kinsa parti sa Chooks-to-Go record-breaking games sa SMS-Boystown sa Minglanilla.
Si Rico Navarro, ang local organizer sa mga liga sama sa SBP Under 18 3x3 Pambansang Tatluhan, miingon nga ang lakang sa Chooks-to-Go Pilipinas 3x3 nga mahimong pro league parti sa proteksyon ug regulasyon sa usa ka liga.
Ang Chooks-to-Go Pilipinas 3x3 nagplano nga magsugod sa ilang bag-ong season karong Septiyembre, 2020 kon molugak na ang quarantine measures.
Ang plano sa liga maghimo og bubble sama sa National Basketball Association (NBA).
Nakadayeg si Navarro sa lakang nga gihimo sa Chooks-to-Go Pilipinas kay mao ra kini ang pamaagi nga makaagak og balik sa sports taliwala sa hagit sa pandemiya nga mitay-og sa tibuok kalibutan.
“The Chooks to Go 3x3 league is going to implement a bubble set-up. All teams will stay in one place: play, eat & sleep there with strict health protocols. This is like the NBA bubble. If we want to resume Cebu Basketball, we’ll have to copy that model. The question is if we have the capacity to make it work here,” matod ni Navarro.
Ang Chooks-to-Go Pilipinas 3x3 nanghinaot nga makahatag sila og kahigayunan sa mga basketbolistang Pilipino.
“We noticed a lot of countries that participated, they have professionalized their 3x3 leagues,” matod ni league Commissioner Eric Altamirano sa taho sa Spin.ph.
“This will provide our local players the opportunity to explore the possibility of a professional career in the 3x3 league.”
Matod ni GAB chairman Baham Mitra sila nagtuo nga capable ang mga organizer sa liga nga mopadagan og usa ka pro league bisan pa man sa economic slow down tungod sa coronavirus.
“Chooks did not get this right away,” matod ni Mitra. “The professional games division of GAB studied their technical capabilities on officiating and all of the rules, as well as their financial capability to run a league.”