SUPERBALITA CEBU

Fighting Maroons padayong nagpalig-on sa ilang katakos

NAGPALIG-ON og maayo ang University of the Philippines (UP) Fighting Maroons kay pila lang ka mga adlaw human nila ma-recruit ang Sugbuanong si Jancork Cabahug, nakuha pud nila ang Gilas Pilipinas Youth players nga si Carl Tamayo ug Gerry Abadiano.

Ang 6-foot-8 nga si Tamayo ug 6-foot nga si Abadiano maoy pambato sa National University-Nazareth School sa dihang ilang nasakmit ang back-to-back title sa University Athletic Association of the Philippines (UAAP) juniors division.

Gipalawman sa Fighting Maroons ang ilang roster para sa UAAP Season 83 human sila mapakyas pagsulod sa Finals sa niaging season diin gilupig sila University of Sto. Tomas (UST) Growling Tigers sa stepladder semifinals.

Ang Ateneo de Manila Blue Eagles nga gipangulohan ni Thirdy Ravena maoy nikampiyon sa miaging season human nila gi-sweep ang Growling Tigers sa best-of-three finals series.

Matod sa Fighting Maroons manager Agaton Uvero nga si Tamayo ug Abadiano adunay dakong papel alang sa ilang rebuilding process human unom sa ilang players migraduwar sa miaging tuig.

“Six of our players graduated last season and we have five more players who have just one playing year left,” matod ni Uvero sa taho sa Spin.ph.

“These two talents will help us secure our basketball future. We hope they will be model student-athletes of UP.”

Si Tamayo mao ang Finals MVP sa Bullpups niadtong UAAP Season 82, siya ga average og 12.6 points uban sa 10.4 rebounds, samtang si Abadiano adunay average nga 11.3 points, 3.2 rebounds, 2.3 assists ug 1.1 steal.

Ang duha ka rookie nangaapil sa Gilas Pilipinas Youth sa 2019 Fiba Under-19 World Ciup sa Heraklion, Greece.

“We are very happy to have Carl and Gerry in our team. Coming straight out of high school, they have five full playing years with the team. They will really be a big boost for our young team which is gain in the process of rebuilding,” matod ni UP head coach Bo Perasol.

Lakip sa rebuilding process sa UP mao si Cabahug, kinsa usa ka All-Star sa Cebu Schools Athletic Foundation Inc. (Cesafi) ubos sa kampo sa University of the Visayas (UV) Green Lancers.

Ang 21-anyos nakatabang sa Green Lancers pagsakmit sa Cesafi titles niadtong 2017 ug 2018.

Ang Fighting Maroons gasalig sa ilang beterano nga players nga si kanhi UAAP Most Valuable Player Bright Akhuetie, Kobe Paras ug Ricci Rivero. (RSC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph