SUPERBALITA CEBU

Pulis gipusil sa kauban, patay

ORMOR City - Patay ang usa ka pulis human pusila sa kauban niini sud sa ilang kampo sa Barangay Guindapunan, Catbalogan City niadtong Hulyo 27, Lunes, alas 2:18 sa kaadlawon.

Ang biktima giila nga si Patrolman Lloyd Imano, 32, minyo, taga Barangay Sto. Niño, Coronadal City.

Samtang ang suspek mao si Patrolman Eduardo Dela Cruz, 33, ulitawo, taga Mauling Creek, Taguig City.

Ang duha mga sakop sa Philippine National Police 124 Special Action Company (PNP-SAC) nga nakabase karon sa gymnasium sa Barangay Guindapunan.

Base sa report sa Police Regional Office (PRO) 8, naglalis ang duha kay ang biktima miakusar sa suspek nga maoy nagrekomenda nga ipaubos siya (biktima) sa sureshock training.

Nagtinubagay ang duha ug ang biktima kalit misud sa bunkhouse ni Patrolman Alvin Migriño.

Paggawas sa biktima gipusil siya sa suspek gamit ang service firearm.

Dugang sa report sa PRO 8, nagtuo ang suspek nga nagkuha og long firearm ang biktima hinungdan nga giunhan kini niya pagpusil.

Gidala sa tambalanan ang biktima apan gideklarar nga dead on arrival.

Boluntaryo nitahan sa iyang mga kauban ang suspek ug gidala sa kustodiya sa Catbalogan Police Office.

Gitahan usab sa suspek ang iyang kalibre .9mm nga service firearm nga dunay walo ka bala.

Narekober sa awtoridad gikan sa crime scene ang upat ka basiyo sa bala sa samang kalibre. (JKDP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph