SUPERBALITA CEBU

355 nadakpan sa dakbayan sa Sugbo nga walay dalang quarantine pass

USA ka adlaw human gideklarar nga ubos na sa general community quarantine (GCQ) ang tibuok siyudad sa Sugbo, moabot ngadto sa 355 ka mga tawo ang nadakpan sa kapulisan tungod kay walay dala nga quarantine pass.

Matod ni Police Colonel Josefino Ligan, hepe sa Cebu City Police Office, nga milusad silag Synchronized Enhanced Managing Police Operation (SEMPO) niadtong Sabado, Agusto 1 sa dihang gipaubos na sa GCQ ang dakbayan sa Sugbo.

Ang mga walay quarantine pass nga nadakpan moabot ngadto sa 189 ka mga tawo, duha sa curfew, duha walay face mask ug 132 ang nakalapas sa Executive Order number 86 ni Cebu City Mayor Edgardo Labella.

Pasabot ni Ligan nga ang pagpanggawas sa daghang mga tawo atol sa GCQ tungod sa pagtuo nga wala na kinahanglana ang Qpass.

“The people thought that GCQ means they can go out na even without quarantine passes. Abi nilag GCQ nata libre na sila but no we will have to sustain the gains sa atong nakuha for the past one month nga ning minus ang atong active cases,” matod ni Ligan.

Atol sa maong Sempo, adunay daghan ang gi warningan lang diin kadtong mga tawo nga naa sa gawas sa balay nga nakasabot ug nipatuo sa mga police nga mosulod sa ilang pinuy-anan.

Dugang ni Ligan nga ang ilang gihimo mao ang paghatag og mensahe sa mga Sugboanon nga dili pa hingpit nga gawasnon ang mga tawo nga makagawas-gawas ning panahuna tungod kay naa pa ang virus nga mahimong makatakboy ni bisan kinsa.

Ang kadaghan sa mga nadakpan gipasakaan gyud og kaso sa korte samtang ang uban gi turn-over sa Prevention, Restoration, Order, Beautification and Enhancement (PROBE) aron ipaubos sa seminar.

Sunod nga ipasusi ni Ligan ang malls tungod sa pagduda nga midagsa ang mga tawo nga manuroy ug kon natuman ba ang minimum health standards sama sa social distancing ug ang kanunay nga pagsul-ob og face mask.

Adunay team nga gitahasan si Ligan nga mohimog inspection sa mga dagkong establisemento nga mibalik na sa pag-abli.

Awhag sa kapulisan sa publiko nga dili mo kompiyansa sa ilang pagpanggawas aron dili na mobalik ang pagsaka sa gidaghanon sa kaso sa coronavirus disease 2019 sa dakbayan sa Sugbo.

Kon mapadayon ang disiplina sa matag usa, dako ang posibilidad nga sa mosunod nga semana mahimong modified general community quarantine na ang dakbayan sa Sugbo. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph