SUPERBALITA CEBU

Total lockdown matag Dominggo gilibkas sa mayor

Mayor Edgardo Labella. (File photo)

TUGTAN na sa Cebu City Government nga makagawas ang mga tawo matag adlaw nga Dominggo sugod karong Agusto 9 aron makapalit sa essential goods nga ilang gikinahanglan.

Kini ang gipahibawo ni Mayor Edgardo Labella human usab nakadawat siya og mga hangyo nga tugotan ang katawhan nga mogawas sanglit gipaubos na usab sa Inter Agency Task Force ang dakbayan ngadto sa general community quarantine (GCQ).

“Atong ilibkas ang pagsuspenso sa quarantine pass matag Dominggo, buot ipasabot nga makagawas na ang mga tawo para makapalit sa essential goods provided that they will still observe the minimum health standard and protocol implemented by the authorities,” padayag ni Labella.

Ang lakang sa mayor gihangop sa mga lider sa barangay ug usa na niini si Kapitan Clifford Niñal sa Barangay San Nicolas Proper sanglit makaayo kini sa katawhan.

“Nalipay ko niana in behalf sa among barangay, okay rato before nga hugtan nato kay ECQ pero karon man gud GCQ na unya mostly sa akong mga molupyo sige sila panawag nga Kap, unsaon mani namo nga Sunday rami walay trabaho dili mi kapalit og essentials,” reaksyon ni Niñal.

Ang kapitan nga kaalyado sa oposisyon nibutyag nga usa sa daghang nalipay sa desisyon sa mayor mao ang mga manimbahay sanglit sa Dominggo sagad makalugar og simba ang mga tawo.

“Usa sa importante niini mao ang pagsimba mao pasalamat gyud ko ana ug mismo ang simbahan malipay sa maong desisyon unya og mahimo tugtan lang siguro lapas sa 10 ang manimba basta dako ang simbahan,” dugang ni Niñal.

Ilawom sa executive order ni Labella dihang gibalik sa ECQ niadtong Hulyo, niisyu og quarantine pass (QP) ang mayor diin gibahin sa odd ug even ang paggawas sa tawo gikan sa Lunes hangtod sa Sabado.

“Ang pinaka-importante gyud nga stay (at) home if they don’t have compelling reasons to go outside though we are aready in GCQ but the virus is still around and self-discipline is our main arsenal to combat this invisible enemy by observing the minimum health protocol,” butyag sa mayor.

Sa gihapon epektibo ang curfew gikan sa alas 10 sa gabii hangtod alas 5 sa buntag.

Padayon gihapon nga gidili ang pag-inom sa mga ilimnong makahubog sa mga pampublikong lugar ug ang mandatory nga pagsul-ob og mask.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph