Tambagi ko Noy Kulas: Live in kay gimingaw

DEAR Noy Kulas,

Tawga lang ko og John. Naa ko karon nag work sa abroad. Mga lima ka tuig na ko diri. Ang akong pamilya naa diha.

Common nga problema diri sa abroad ang kamingaw sa pamilya. Lisod kaayo kon pirme ma-feel ang kamingaw kay maapektuhan ang work. That is why ang uban makapangita og outlet, including me.

Duna koy naila-ila nga working woman diri. Nagkaila mi thru sa common friend. Pila ra may estorya, nagkasuod mi ug nagkauyab. Mga one year na mi nga nag live in. Puro mi pamilyado but nagkasabot mi nga way hilabtanay ug way selosay sa among respective partners. But niabot ang punto nga akong gika worry. Grabe na siya ka selosa.

Kon manawag ang akong asawa, kinahanglan maminaw siya. Pero human sa call, either masuko siya nako or mohilak kay na hurt kuno siya kay sila sa iyang husband wa nay maayong relationship. Mao ni ang among pirme awayan karon.

Mouliay ra ba ko next year, but di siya mosugot kay gusto niya magdungan mi og uli ug sa amoa siyang province moadto sa di pa siya moadto sa ilaha. Sa 2022 pa siya makauli. Naglibog ko unsa ang akong buhaton karon. Please tambagi ko.

JOHN

John,

Karon nga naa mo ana nga sitwasyon, paabuta nga di pa na mao nga kagubot nga inyong maagian. Kon unsa siya ka selosa karon mosamot pa gyud na. Usually, sa ingon niana nga relasyon sagad naay usa ka party nga ingon niana ang state of mind. Kay di man na kalikayan tungod kay both of you tied na sa kaminyuon. Ang dagan sa reasoning kay kon nahimo mimo sa imong partner ang paglimbong nga kasado pa gani, unsa kaha siya nga live in partner ra man mo? Mao nang sagad sa mga relasyon nga ingon niana lisod kaayo nga molampos.

Estoryahe siya ug pasabta nga I honor ang inyong nasabutan nga way hilabtanay when it comes to your partner kay ikaw mismo wa manghilabot sa ilang kinabuhi. Kon di madala, nganong di ka man mobiya sa relasyon nga gubot. Imagine kon momabdos nang bayhana, unsa kahay mahitabo? Malipay kaha ang bana? Magmalipayon pa kaha ang ilang pagpuyo? Kana nga mga pangutana segurado kong makapahigmata nimo sa padulngan sa inyong relasyon karon.

NOY KULAS