TULO ka Pantawid beneficiaries sa dakbayan sa Mandaue nagtuo sa boluntarismo makatabang sa pagpaminos sa kalisod ug pagpapaspas sa paghiuli sa katawhan ning panahon sa krisis.
Si Christian Maluya, usa ka sakop sa modified conditional cash transfer-homeless street families (MCCT-HST) nga gi-monitor nga pamilya sa Barangay Labogon, niboluntaryo sa ilamg abrangay sa pagpatuman sa social melioration program (SAP).
Sa iyang tahas, si Maluya niabag sa SAP encoding ug uploading uban sa ubang local government staff ug Department of Social Welfare and Development (DSWD) staff tungod sa iyang kahibalo sa computer.
“Sa pagpanghatag sa maong ayuda hangtod sa pag-encode sa maong beneficiaries data, dili gayud sayon para namong mga validator/ encoder/ uploading team,” matod ni Maluya human nakasugat og SAC forms nga lisod mabasa ug dunay mga kuwang.
Sukad sa sinugdanan sa pagboluntaryo sa komunidad, si Maluya niingon nga nakasaksi sa hago nga paningkamot sa DSWD staff ug ubang mga trawo nga nagpaluyo sa pagpatuman sa SAP alang sa tanang sa benepisaryo.
Gawas kang Maluya, ubang Pantawid beneficiaries nga sila si Aquelino Gandionko sa Barangay Labogon ug Cecil Mary Militante sa Barangay Paknaan nakatabang usab og pagpasayon sa trabaho sa community ug social workers sa ilang barangay sa Mandaue City sa pagtunol sa hinabang sa mga kabus.
Kining mga Pantawid volunteers ningtabang sa pag-interview sa mga pamilya, niabag sa filling-out sa SAC form, verifying, encoding, ug ubang tahas sa pagpatuman sa SAP.
Si Gandionko nipaambit nga ang iyang pagboluntaryo sa pagpatuman sa SAP usa ka pagsuway sa iyang pasensiya ug pagkamitado sa patabang sa mga kabus.
“Nakasulay gyud mi na gihagisan,” matod ni Gandionko.
Si Militante niingon nga kini ang iyang pamaagi sa paghatag og balik ug pagpasalamat sa kagamhanan ug katawhan sa pagpatabang sa pagpalambo sa ilang kinabuhi.
“Didto nako nakita nga pinaagi sa maong programa daghan diay mi ug matabangan ug mahatagan og kalipay bisan pa man sa kalisud sa panahon,” matod ni Militante
Samtang, usa sa mga nagsubay kanila, Emma Bantiles, Pantawid City Link in Mandaue City, niingon nga kining mga boluntaryo dako og natabag sa pagpatuman sa SAP.
Ang City of Mandaue maoy usa sa local government units sa Central Visayas nga dunay dako nga alokasyon sa 4Ps beneficiaries alang sa SAP.
“Helpful kaayo sila sa ilang barangay even if they’re not staff sa barangay. In fact, usahay mag binuntagay paman gani ni sila kay tungod sa kadaghan trabahuon,” matod ni Bantiles.
Si Bantiles nidugang nga kining Pantawid volunteers sa ilang barangay maayo motrabaho, kasaligan, maantuson ug makahimo sa bisan unsang tahas nga isangn kanila. (PR)